Karikani B'aai 41:54 - Te B'aib'ara

⁵⁴ ao e a moanaki ririkin te rongo, n aron ana taeka Ioteb'a. A taonaki naba aaba ake i rarikin Aikubita n te rongo, ma e a rangi n tiraua te am'arake i Aikubita ni kabutaa.

Karikani B'aai 41:54 ပူးပေါင်းရင်းမြစ်များ

Karikani B'aai 41:27

Ao taian kao ake a irariki ake a tib'a roko, ao taian amwi ni uita ake itiua ake a rai n angin te rereua bon ririkin te rongo aika itiua.

Karikani B'aai 41:30

Ao i mwiin anne, ao e na manga roko ririkin te rongo aika itiririki, ao ane a na mauna nako kukureia aomata, i bukin kamamaten te rongo i aon te aba.

Karikani B'aai 41:53

Ao akea b'a e a roko n tokina bongin ririkin te mari ake a tia ni kukurei iai kaain te aba are Aikubita,

Karikani B'aai 42:2

I ongo b'a e m'aiti te uita i Aikubita, kam na nako ni kabooi karara tabeua ikekei b'a ti aonga n aki mate ni baki.”

Karikani B'aai 43:1

Ao e a rangi ni korakora te rongo i aon Kanaan,

Karikani B'aai 45:11

N na kona n tararuaingkami ngkana kam maeka i Koten. Ai ti nimaua riki ririkin te rongo; ao I aki tangiringkami b'a kam na mate ni baki ma ami utu, ma ami nanai ni man aika kawakawa.’

Karikani B'aai 47:13

Ao e a roko ni korakorana te rongo n te aro are ai bon akea te am'arake n taabo ni kabane, ao a rikirake ni kerikaaki korakoraia kaain Aikubita ma Kanaan i bukin te baki.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

Taian Areru 105:16

E karokoa te rongo i aon te aba te UEA, ni karokoa bon akea te am'arake.

M'akuri 7:11

Ao e roko te rongo i aon te aba ni kabanea are Aikubita ma Kanaan, ao e karika te rawawata ae korakora; akea kanaia ara bakatibu ae kona n reke i rouia.