Karikani B'aai 41:49 - Te B'aib'ara

⁴⁹ Ao e a katoka warekan te am'arake Ioteb'a ake e kaawakin b'a e a rangi n ri aon ae riai-ai aron m'aitin tanon taari.

Karikani B'aai 41:49 ပူးပေါင်းရင်းမြစ်များ

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 41:48

ao e bane n rikoi Ioteb'a ni kaawakin i nanon te kaawa are buubura. E kaona te kaawa teuana ma teuana ni uaan taian tawaana ake a bon mena i rarikiia nako.

Karikani B'aai 41:50

Ao a riki natin Ioteb'a ma Nei Atenata aika uoman mm'aane i m'aain rokon te rongo.

Iobi 1:3

ao iai naba ana man aika itiua te nga te tiibu, tenua te nga te kamero, teuana te nga te kao, ma a kabaeaki ni kakauoman. Bon iai naba ana taani m'akuri aika rangi ni m'aiti, ao bon ngaia naba te kabanea ni kaub'ai n aomata n aaba ake i mainiku.

Taian Areru 78:27

E kab'aka te iriko i aoia n ai aroni bubun te tano, Ma maan aika kibakiba n ai aron tanon aon te bike.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

1.Tamuera 13:5

Ao a bootia aia taanga ni buaka kaain Biritia b'a a na buakaniia Iteraera. M'aitin aia kanibuaka bon 3,000 6,000 taani buaka i aoia aoti, ao a rangi ni m'aiti aia tautia ake a nakonako i aon waeia kaanga ai aron m'aitin tanon te bike. A nako Mikemati ao a katea aia kaemb'a i Beta Awen.