Karikani B'aai 41:43 - Te B'aib'ara

⁴³ Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa.

Karikani B'aai 41:43 ပူးပေါင်းရင်းမြစ်များ

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

Karikani B'aai 41:44

Ao e taku te uea nakoina, “Bon te uea ngai-bon akea temanna ae e na tabeka baina ke waena ngkana akea kariaiakana.”

Karikani B'aai 42:30

“E taetae n un te kowana nako ira ni bukiniira b'a taan tutuo ni karaba ngaira b'a ti na tuoa abana ni kabane.

Karikani B'aai 42:33

Ao e taku teuarei, “Ao aio aron ae N na kakoauai iai ngkami b'a bon aomata ngkami aika kam raoiroi: E na tiku temanna ma ngai, ao nikirana ana anai taian uita ma ni uoti nakoia aia utu ake a bora ni baki.

Karikani B'aai 42:6

Ao e kakabonakoi taian uita Ioteb'a are te kowana i Aikubita nakoia aomata ni kabane ake a roko man taabo nako n te aonnaba. Ma ngaia are, a roko naba tarina akekei, ao a bobaraaki i matana nako aontano.

Karikani B'aai 45:26

Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.

Karikani B'aai 45:8

Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.

Karikani B'aai 50:18

Ao i mwiina, a roko tarina nako ina ma ni bobaraaki i matana ao a taku, “Aikai ngaira i matam aika am toro.”

Karikani B'aai 50:9

Ao a raonaki naba irouia taan toka i aon ka ni buaka aika katikitikaki irouia aoti, ao taan toka naba i aoia aoti. Bon te koraki ae korakora.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Etita 3:2

Ao e tua te uea b'a a na bane mataniwiin ana bareti ni kaota karinean Aaman ni katorobubua i matana, ma ni bobaraaki nakoina. Ao a bane ni karaoa aei, ma bon ti Moretekai are e rawa ni karaoia.

Te Minita 4:14

E ngae ngkana tao ko aki bungiaki n te utu ni uea, ke n tia n riki b'a te bure, ke tao ni maiu ni kainano, ma ko boni konaa naba n riki b'a te uea.

Taniera 2:48

Ao i mwiin anne, ao e angan Taniera nnena ae moan te rietaata, ao e anganna naba b'aai n tangira aika a rangi ni kakaawaki, ao ni ikotaki ma te burawinti are B'aburon b'a e na taua taekana, ao n riki naba b'a te mataniwi i aoia taan rabakau ni kabane i aoni B'aburon.

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

I-Biribi 2:10

b'a a aonga ni bane te koraki ake a mena i karawa, ma ake i aon te aba, ma ake i aan te aba, ni katorobubua ni karinea aran Iesu;