Karikani B'aai 41:42 - Te B'aib'ara

⁴² Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

Karikani B'aai 41:42 ပူးပေါင်းရင်းမြစ်များ

Karikani B'aai 38:18

Ao e titirakina neierei, “Ao tera te b'ai ae N na anganiko b'a te b'ai ni kakoaua?” Ao e taku neierei, “M'aem ane mena i aona am kanikina ma kaona, ao te kai ane ko uouotia. Ao e anai n angan neierei.” Ao i mwiina, e a wene ni bure ma neierei, ao e a bikoukou neierei.

Karikani B'aai 41:43

Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Etita 3:10

Ao e buuta ana m'am'a te uea are e kakabongana n titamb'ana ana katanoata ma ni karikia b'a te b'ai ae e tabuaki, ao e anga nako ana m'am'a arei nakon aia kairiribai I-Iutaia are Aaman, are natin Ammetata te m'aane, are kanoan Akaaka.

Etita 3:12

Ma ngaia are, ni katebwi ma tenuan te nam'akaina are te moan nam'akaina, ao Aaman e weteia ana taani koroboki te uea, ao e a tuangiia b'a a na raira ana katanoata nakon taian taetae ma koroboki ake a kabonganaaki n te tautaeka arei, ao ni kanakoi nakoia taan tautaeka ni kabane ma kowana, ao aobitia. Ao e koreaki n aran te uea are Keatiti ma ni kanikinaeaki n ana m'am'a.

Etita 8:10

Ao e karaoi taian reta akekei Morotekai b'a a na koreaki n aran te uea are Keatiti, ao a na kanikinaeaki n ana m'am'a. Ao taan uarongorongo a toka i aon aoti aika a biri m'aaka aika ana aoti te uea, ao a nikiri reeta n taabo nako.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Etita 8:2

Ao e buuta ana m'am'a te uea are e mena ana kanikina i aona (are e a tia ni kaokia mairoun Aaman) ao e angan Moretekai. Ao e mwiokoa Morotekai Nei Etita b'a e na tararuai ana b'ai Aaman.

Etita 8:8

Ma e aki konaa ni katokaki te katanoata are e karaoaki n aran te uea ao e kanikinaeaki n ana m'am'a. Ma e ngae n anne, ao kam boni konaa ni koroboki nakoia I-Iutaia n aron te b'ai are kam bon taku; ma kam na koroboki n arau ao ni kanikinaea naba n au m'am'a.

Taian Areru 73:6

E riki te kainikatonga b'a kanga ai aron m'aen roroaia; ao te kakam'arua b'a kunnikaia;

Taeka n Rabakau 1:9

ao katokaa i aom taian reirei kaanga ai aron te b'ara ae e taatangiraki ke te m'ae n roroa ae e rangi n tamaroa.

Taeka n Rabakau 31:22

E bon itutuu, ao a bane n tamaroa ana kunnikai aika e b'ain.

Taeka n Rabakau 31:24

E karaoi kunnikai ake a na kabooaki nako iroun are iai ana tabo ni kabob'ai.

Ana Anene Toromon 1:10

E karakaa tamaroam te taabia, ao e m'aeniko n te m'aenroroa ae e karaoaki man atiibu aika a kakaawaki.

Ana Anene Toromon 4:9

Au kainrou, ae bon ti au b'ai, ko a tia n iraea nanou! N ti teuana iraean taarau iroum, ao raitiitin m'aen roroam, ko a tia n iraea nanou.

Itaia 3:23

b'araia, ao aia b'auti ni m'ane.

Ieremia 52:33

E kariaiakaki Ieoiakin ni kunnikainna n aron kunnikaia aomata ao ai tiaaki te kaboraoi ni bure, ao e bon am'arake naba n ana taibora te uea ni katoa bong.

Etekiera 27:7

A kamanenai taian rinen aika tamaroa taani kateitei mai Aikubita i bukin taian ie, b'a aonga ni konaa aomata nako n nooringkami. E kabonganaaki te kunnikai ae e buru ma ae e beebo i bukin kanuuan te teeke.

Taniera 5:16

Ao ngkai, I a tia n ongo b'a ko kona ni kunei nanon baika a raba, ao ni kab'arai nanoia. Ngkana ko kona ni wareka te koroboki ma n tuangai nanona, ao e na katokaaki niiniiram are e uraro are b'ain te bareti, ma ni kabaeaki i roroam te m'ae ni karineaki are te tiein te koora, ao ko na riki b'a te kateniman ni m'aaka i nanon te abanuea.”

Taniera 5:29

Ao e anga ana taeka Beretiata n te tai ae e waekoa b'a e na katokaaki niiniiran Taniera are te niiniira are e uraroo are niiniiraia uea, ao e na kabaeaki i roroana te m'ae ni karineaki ae te tiein te koora. Ao e na riki b'a te kateniman ni m'aaka i nanon te abanuea.

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

1.Tamuera 18:4

Ao e buuta te niiniirana Ionatan are e kunnikaina ao e karinna i aon Tawita. Ao e anganna naba kunnikaina ni buaka, ana kabaang, ana kainikatebe ma kanoana, ao ana bare.