Karikani B'aai 41:40 - Te B'aib'ara

⁴⁰ N na rineiko b'a ko na tararua abau ni kabane, ao a na bane aomata n ongotaeka nakon am taeka. Ko na riki b'a au kauoman.

Karikani B'aai 41:40 ပူးပေါင်းရင်းမြစ်များ

Karikani B'aai 39:9

I bon rangi ni kakannato i rouna b'a bon akea te b'ai teuana ae taua mai rou, ma bon ti ngkoe. Ao N na kanga ngkanne ni karaoa te m'akuri ae buakaka, ao ni karaoa te bure nakon te Atua?”

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Karikani B'aai 45:26

Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Etita 3:1

Ao n te tai ae e aki maan, ao te uea e karikirakea Aaman nakon te nakoa ni buraim minitita. Teuae Aaman bon natin Ammetata, are kanoan Akaaka, are uean Amareka are aia kairiribai ngkoa tibun Iteraera.

Iobi 31:27

I tuai naba man burebureaki ni bobaraaki ni karineia ni kaboria ma baiu n anga karineaia.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taeka n Rabakau 22:29

Ngkana kam karaoa raoi ami m'akuri, ao kam bon m'akuri iai i bukin te tia tautaeka ao kam na bon aki manga riki b'a te toro.

Taniera 5:29

Ao e anga ana taeka Beretiata n te tai ae e waekoa b'a e na katokaaki niiniiran Taniera are te niiniira are e uraroo are niiniiraia uea, ao e na kabaeaki i roroana te m'ae ni karineaki ae te tiein te koora. Ao e na riki b'a te kateniman ni m'aaka i nanon te abanuea.

Taniera 6:3

Ao e waekoa n nooraki b'a e konab'ai riki Taniera nakoia naake raona n aobitia aika a rietaata. Ao i bukin rianakon ana konab'ai, ao e a rineia te uea b'a te tia taraa te tautaeka ae e b'anin.

M'akuri 7:10

ao E kamaiua man rawawatana ni kabane; ao E anganna te rabakau ma te aro ae na tatangiraki iai irouni B'arao are uean Aikubita, are E rineia b'a te tia tautaeka i aon Aikubita ma ana utu ni kabaneia.

1.Tamuera 10:1

Ao e anaa te tiaeki ni b'a n oriwa ae uarereke Tamuera ao e kab'aroa i aon atuun Tauro. Ao i mwiina, e kiitina Tauro ao e taku nako ina: E a tia n rineiko te UEA b'a te tia kairiiri ao te tia tautaeka i aoia Ana aomata.