Karikani B'aai 41:39 - Te B'aib'ara

³⁹ Ao e taku te uea nakon Ioteb'a, “E a tia ni kaoti b'aai aikai ni kabane te Atua nakoim. Ma ngaia are, e bon teretere raoi b'a e bon raka riki rabakaum ma am atatai i aoia aomata nako.

Karikani B'aai 41:39 ပူးပေါင်းရင်းမြစ်များ

Karikani B'aai 41:16

Ao e taku, “Te uea, I aki kona ni kab'ara mii, ma E na anga nanon miim te Atua.”

Karikani B'aai 41:25

Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia.

Karikani B'aai 41:28

Boni ngaia are I a tia n tuangko-E a tia n tuangko te Atua te b'ai ae nang karaoia.

Karikani B'aai 41:33

“Ma ngaia ae ko riai ngkai n rineia mm'aane tabeman aika rabakau ma n atatai b'a a na tararua aon te aba.

Etira 7:25

Etira, ko na kamanenaa te wanawana ane e a tia n anganiko te Atua n rineia mataniwi, ao taani kairiiri ake a na tararuaia kaain m'akoron te tautaeka are i Maeao. A na riai taani kairiiri aikai n ataa ana tua te Atua, ao a na reireiniia aomata ni kabane aika a aki ataia.

Taeka n Rabakau 12:8

E manena te iangoraoi n te nebonebo, ma te nanobaba bon te kamaraia nakoia aomata aika a nanobaba.

Itaia 19:11

Burababaia i bon irouia ana mataniwi uean Toan ma aia taeka n reirei aika a nanobaba. A na kangaa ni kaangai nakoina. “Ti rangi ni wanawana, ao a oki rikaaki nakoia uea ara utu ni boong ake ngkoa?”

Taniera 2:11

Te uea ae ko karineaki, boni moan te matoatoa te b'ai ae ko titiraki iai n te aro are bon akea ae e kona ni karaoi ma ti anti aika a aki mamaeka i buakoia aomata.

Taniera 2:48

Ao i mwiin anne, ao e angan Taniera nnena ae moan te rietaata, ao e anganna naba b'aai n tangira aika a rangi ni kakaawaki, ao ni ikotaki ma te burawinti are B'aburon b'a e na taua taekana, ao n riki naba b'a te mataniwi i aoia taan rabakau ni kabane i aoni B'aburon.