Karikani B'aai 41:30 - Te B'aib'ara

³⁰ Ao i mwiin anne, ao e na manga roko ririkin te rongo aika itiririki, ao ane a na mauna nako kukureia aomata, i bukin kamamaten te rongo i aon te aba.

Karikani B'aai 41:30 ပူးပေါင်းရင်းမြစ်များ

Karikani B'aai 41:21

ma e aki ataaki ae a tia ni kang akekei b'a bon ti te bo naba ma taraaia ni kawai are a bon rangi ni bakitaia naba. Ao i mwiina, ao I a uti.

Karikani B'aai 41:27

Ao taian kao ake a irariki ake a tib'a roko, ao taian amwi ni uita ake itiua ake a rai n angin te rereua bon ririkin te rongo aika itiua.

Karikani B'aai 41:31

A na bon akea nikiran kanoan ririki ake a mari i bukin korakoran te rongo n ririki ake i mwiina.

Karikani B'aai 41:51

Ao e taku, “E a tia te Atua ni karaoai b'a N na m'anuokin rawaawatau ma ni katoka ururingaia ana utu tamau ni kabane.” Ma ngaia are, e arana ana karimoa te mm'aane b'a Manate.

Karikani B'aai 41:54

ao e a moanaki ririkin te rongo, n aron ana taeka Ioteb'a. A taonaki naba aaba ake i rarikin Aikubita n te rongo, ma e a rangi n tiraua te am'arake i Aikubita ni kabutaa.

Karikani B'aai 41:56

Ao e rikirake korakoran te rongo ni kabutaa aon te aba arei ni kabutaa, ma ngaia are, e a kauki taian auti ake a kaawakinaki iai taian am'arake ma ni kabooi nako taian uita nakoia aomatan Aikubita.

Karikani B'aai 47:13

Ao e a roko ni korakorana te rongo n te aro are ai bon akea te am'arake n taabo ni kabane, ao a rikirake ni kerikaaki korakoraia kaain Aikubita ma Kanaan i bukin te baki.

2.Tamuera 24:13

Ao e nako Kata ni kawara Tawita ao e taku: Ko na riai n rinea teuana mai buakon kawai aika e na katuaaeako iai te UEA: e na iai ririki aika itiua te ririki are e na aki anga iai uaana aon te aba nakoia am aomata? Ke a na kakioko am kairiribai b'a ko na biri nako mairouia i nanon tenua te nam'akaina? Ke e na roko tenibong bongin te aoraki ae e kakamaaku i abam? Ko na iangoia n rinea nanom, b'a N na manga anga am kaeka nakon te Atua, are E kanakomaiai.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

Taian Areru 105:16

E karokoa te rongo i aon te aba te UEA, ni karokoa bon akea te am'arake.

Taeka n Rabakau 31:7

Kamooia b'a aonga ni m'aninga ma n aki namakina kainanoia ao rawawataia.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

Iakobo 5:17

Eria bon te aomata ae ti te bo arona ma arora, ao n ana tataro e bubuti b'a e na aki b'aka te karau; ao e aki b'aka te karau i aon te aba i nanon tenua te ririki ao onoua nam'akaina.