Karikani B'aai 41:25 - Te B'aib'ara

²⁵ Ao e taku Ioteb'a nakon te uea, “Bon ti te bo nanon mii akana uoua akanne; E na bon tuangko te Atua te b'ai ae E nang karaoia.

Karikani B'aai 41:25 ပူးပေါင်းရင်းမြစ်များ

Karikani B'aai 40:8

Ao a taku, “Ti kaai ni mii ni kauoman, ao bon akea temanna mai ikai ae kona ni kab'arai nanon miira.” Ao e taku Ioteb'a, “Bon te Atua ae angaanga te kona ni kab'ara mii. Karakina miimi nako iu.”

Karikani B'aai 41:16

Ao e taku, “Te uea, I aki kona ni kab'ara mii, ma E na anga nanon miim te Atua.”

Karikani B'aai 41:26

Kao ake itiman ake a marikarika bon ririki aika itiua, ao amwi ni uita naba ake itiua bon ririki naba aika itiua; bon ti te bo nanoia.

Karikani B'aai 41:28

Boni ngaia are I a tia n tuangko-E a tia n tuangko te Atua te b'ai ae nang karaoia.

Karikani B'aai 41:32

Okiokin miim bon kaotana b'a E a tia te Atua ni kamatoa b'a E na karokoa n te tai ae aki maan n taai aika i m'aaira.

Taian Areru 98:2

E katanoata taekan ana tokanikai te UEA; E kaota m'akana b'a e na ataaki irouia botannaomata nako.

Te Otinako 9:14

Bon aei te tai are N na aki ti katuaaia am mataniwi ma am aomata, ma N na bon katuaaeko naba, b'a ko aonga n ataia b'a bon akea ae ai arou n te aonnaba aei ni kabutaa.

Itaia 43:9

Tuangiia botannaomata ni kabane b'a a na ikotaki. Bon akea mai buakoia ae e konaa n taetae ni kaangai, “Antai ae e tuangingkami!” Ngkana iai ae e ongo b'a a taekina te baei, ao tuangiira taekana n te tai aei.

Taniera 2:45

Ao ko noora naba te atiibu are e buubura are e b'aka i bon i rouna man te b'aa are e rietaata ni b'akara te bouananti are e karaoaki man te biti ma te buraonti, ma te tano, ma te tirewa, ao te koora. E tuangko ma te koaua te b'ai are ko miia, b'a te Atua are e korakora, E a tuangko iai te uea ae ko karineaki baika a na kaoti nakoni boong aika a na roko.”

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Mataio 24:40

Ao ane a na mena uoman te mm'aane n te aba ae unikaki: e na uotaki nako temanna, ao e na katukaki temanna.

Mareko 13:23

Ma kam na tarataraingkami; I a tia n tuangngkami b'aai ni kabane i m'ain rikiia.

I-Ebeto 1:17

b'a te Tama ae mimitong, are Atuan ara UEA are Iesu Kristo, E na anganingkami te Tamnei are E na kawanawanaingkami, ma ni kaota te Atua nakoimi b'a kam aonga n ataia;

Iotua 11:6

E taku te UEA nakon Iotua, “Tai maakuia, b'a N nang tiringiia nakon te ingabong i bukiia aomatan Iteraera. Kam na kaikoaki aia aoti ni kam'aukuia, ao kabuoki aia kaa ni buaka.”

Te Kaotioti 4:1

I mwin norani baikai ao I taratara nako, ao noria, te mataroa ae uki i karawa, ma te b'anaa are I ongo rimoa, are kanga ai aroni b'anaan te bu are taetae ma ngai, ae kaangai, “Mai rierake, ao N na kaoti nako im baika na bon riki i mwini baikai.”