Karikani B'aai 41:15 - Te B'aib'ara

¹⁵ Ao e taku te uea nako ina, “I a tia ni mii, ao bon akea temanna ae kona ni kab'ara nanona. Ao I kaongoaki b'a ko kona ni kab'ara nanon taiani mii.”

Karikani B'aai 41:15 ပူးပေါင်းရင်းမြစ်များ

Karikani B'aai 40:8

Ao a taku, “Ti kaai ni mii ni kauoman, ao bon akea temanna mai ikai ae kona ni kab'arai nanon miira.” Ao e taku Ioteb'a, “Bon te Atua ae angaanga te kona ni kab'ara mii. Karakina miimi nako iu.”

Karikani B'aai 41:8

Ao e a raraoma ngke a ingabong, ao e a weteia taan tabunea ni kabane ao mm'aane naba ni kabane aika taan rabakau i aon Aikubita. E tuangiia miina, ma bon akea temanna ae kona ni kab'ara nanon miina nako ina.

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taniera 2:3

ao e taku nakoia, “E rangi n tabetabe nanou n te mii are I miia. I tangiria b'a N na ataa nanon te mii anne.”

Taniera 4:18

E taku te uea are Nebukaneta, Anne te mii are I noria. Beretiata, tuangai nanona. Bon akea temanna i buakoia au taan rabakau ae e kona n tuangai nanona, ma ko konaa ngkoe, b'a a mena tamneia atua ake a tabu iroum.

Taniera 4:9

Beretiata ae mataniwiia taani mamata, I ataia b'a e mena taamnein te Atua ae e tabu i nanom, are ko kona iai n atai taiani kamimii. Ao aio miiu. Tuangai b'a tera nanona.

Taniera 5:12

ma ngaia ae ko na kawaekoa te aomata ae Taniera are e aranaki ngkoa iroun te uea b'a Beretetiata, ao e na tuangko nanoni baikai ni kabane.”

Taniera 5:14

I a tia n ongo b'a e mena tamnein te Atua ae e tabu i nanom n te aro are iai iroum te konab'ai, te rabakau ao te atatai.

Taniera 5:16

Ao ngkai, I a tia n ongo b'a ko kona ni kunei nanon baika a raba, ao ni kab'arai nanoia. Ngkana ko kona ni wareka te koroboki ma n tuangai nanona, ao e na katokaaki niiniiram are e uraro are b'ain te bareti, ma ni kabaeaki i roroam te m'ae ni karineaki are te tiein te koora, ao ko na riki b'a te kateniman ni m'aaka i nanon te abanuea.”