Karikani B'aai 41:14 - Te B'aib'ara

¹⁴ Ao e kananako wetean Ioteb'a te uea, ao e kawaekoaaki n anaaki man te karabuuti. Ao e a koreaki moa buaina ma n oneaki kunnikaina, ao i mwiina, e a tib'a uotaki nako matan te uea.

Karikani B'aai 41:14 ပူးပေါင်းရင်းမြစ်များ

2.Tamuera 19:24

Ao e kaaitibo naba ma Tawita Mebiboteta are tibun Tauro te m'aane. E a tia n aki kakaitibo ma Tawita n te tai ae e maan n te aro are e tuai man tebotebo ke ni koreaki buaina ke ni uaati kunnikaina man te tai are e nako iai Tawita.

2.Uea 25:29

E boni kariaiakaki naba Ieoiakin b'a e na b'ainna ni kunnikai aika tiaki kunnikaiia buure, ao e am'aam'arake n ana taibora te uea ni katoa bong.

Etita 5:1

Ao n ana katenua ni bong n aki mamatam Nei Etita, ao e a karina niiniirana ao e nako n tei i nanon m'aneaban te bareti, ni kaaitaraa te ru are e mena iai te kaintokanuea. Ao e boni mena ikekei te uea i aon ana kaintokanuea ni kaaitaraa te mataroa.

Te Otinako 10:16

Ao e kawaekoaa te uea ni weteia Moote ma Aaron ao e taku, “I a tia ni bure nakon te UEA ae Atuami ao nako imi.

Te Minita 4:14

E ngae ngkana tao ko aki bungiaki n te utu ni uea, ke n tia n riki b'a te bure, ke tao ni maiu ni kainano, ma ko boni konaa naba n riki b'a te uea.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Taniera 2:25

Ma ngaia are, e a waetata naba ni kairaanako Taniera teuare Arioka nakon te uea are Nebukaneta, ao e tuanga te uea ni kaangai, “I a tia ni kunea temanna aomatan Iutaia ae te taenikai ae e kona n tuangko nanoni miim.”