Karikani B'aai 40:19 - Te B'aib'ara

¹⁹ Ai ti tenibong mangkai, ao e na kab'arako te uea--ao ane e na korea roroam te uea, ao i mwiina e na katinetinea rab'atam i aon te boua, ao ane a na kana rab'atam taian mannikiba.”

Karikani B'aai 40:19 ပူးပေါင်းရင်းမြစ်များ

Karikani B'aai 40:13

Ai ti tenibong, ao e na kab'arako te uea, e na kainaomatako man te karabuuti ma ni manga kateirakeko nakon am m'akuri. Ko na manga anganganna ana m'angko n aroarom ngkoa ni kawai nakoina ngke ana tia uouota ana m'angko ngkoe.

Karikani B'aai 40:17

Kanoan te b'aene are te kabanea mai eta, a bane iai aekakin kariki aika raoiroi i nanona i bukin te uea, ao a kanaki ni kabane irouia taian mannikiba.”

Karikani B'aai 40:18

Ao e taku Ioteb'a, “Ao aio nanon miim: B'aene akana tenua bon boong aika tenibong.

Karikani B'aai 40:20

Ao ngke e a roko ana koro n ririki te uea are B'arao, ao e a karaoa ana baka n am'arake te uea ma ana aobitia ni kabane, ao e kainaomataia ana tia uouota nimana te wain ma ana tia kariki, ao e uotiia nako mataia ana aobitia.

Karikani B'aai 40:22

ao e tiringa ana tia karao kariki n aron are e bon taekinna Ioteb'a.

Karikani B'aai 41:13

Ao a koro bukin b'aai ake e tuangiira: I a manga okira nakoau ngai, ao ko tiringa teuare te tia kariki.

2.Tamuera 21:10

E taakin taian kunnikai aika a mangaingai i aon te b'aa ake i rarikina. E aki tangiria mannikiba b'a a na tikubara i aoia ma i nanon te ngaina, ao e kakionakoia maan aika a aki manana n te tairiki. E tiku ikekei mani moan rokon tain te tai ni karokoa e a tabe ni kakarau.

2.Tamuera 21:6

Anganiira itiman mairouia ana kariki. Ti na kabaei roroaia m'aane aikai i rarikin te tabo are E taromauriaki iai te UEA i Kibea, are ana kaawa Tauro, are e rineia te UEA b'a e na uea.” Ao e taku Tawita, “N na anganingkami.”

Taeka n Rabakau 30:17

Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

Etekiera 39:4

ao ko na kaai ni mate ma koraki akana i aon taiani maunga. Ao mannikiba ma maan aika a aki manana a na roko ni kang

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

Iotua 10:26

Ao e kabaei roroaia uea aikekei Iotua; temanna i aon tekaina te aroka, ao e katinetinei rab'ataia ikekei ni karokoa te bong.

Iotua 8:29

E kabaea roroan uean Ai n te aroka tekaina, ao e katikua ikekei ni karokoa e bong. Ngke e a bung taai ao e a tuatua b'a e na anaaki rab'atana, ni karenakoaki i mataroan te kaawa are Ai. Ao a tauna rab'atan n taian atiibu aika korakora, are e bon tiku naba ikanne ni karokoa boong aikai.

1.Tamuera 17:44

ao e takaarua ni kaangai, “Nakomai! Ngkana I tia n tiringko, ao I a anganiia mannikiba ma mannikaakang rab'atam b'a kanaia!”

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.