Karikani B'aai 40:14 - Te B'aib'ara

¹⁴ Ma I butiiko b'a ko a uringai ngkana a bane n nako raoi b'aai ni kabane i bukim. Ko a taiaoka n tataekinai nakon te uea ma ni buokai ni kaotinakoai man te karabuuti aei.

Karikani B'aai 40:14 ပူးပေါင်းရင်းမြစ်များ

Karikani B'aai 40:13

Ai ti tenibong, ao e na kab'arako te uea, e na kainaomatako man te karabuuti ma ni manga kateirakeko nakon am m'akuri. Ko na manga anganganna ana m'angko n aroarom ngkoa ni kawai nakoina ngke ana tia uouota ana m'angko ngkoe.

Karikani B'aai 41:9

Ao e a taku te tia uouota ana wain te uea nakon te uea, “N nang bon kab'ara moa au bure b'a I bon riai ni kaman kaongoko.

2.Tamuera 9:1

N te bong teuana, e iango Tawita ao e taku, “N na rangini miimi ngkana iai ana utu Tauro aika teimatoa ni maiu. Ngkana iai, ao N na bon kaota akoaia, b'a I a tia ni karaoa au berita nakon Ionatan.”

1.Uea 2:7

E buokai natin B'aretirai te m'aane are kaain Kireata ngke I birinako mairoun tarim are Abetarom. Ko na akoia, ao kariaia b'a e na am'arake n am taibora.

Ruka 23:42

Ao ngaia e taku, “Iesu, uringai n akoai ngkana Ko riki b'a te Uea!”

1.I-Korinto 7:21

Ko weteaki ngke te toro ngkoe? Tai tabe ma arom n toro; ma ngkana iai te anga ae ko na kona iai ni kainaomatako, ao kabongana.

Iotua 2:12

Ma ngaia ae I butingkami ngkai, b'a kam na berita i matan Atuami b'a kam na nanoangaiia au utu n ai arou ngke I nanoangaai ngkami naba. Ao kam na anganai te kanikina ae N na kakoauai ngkami iai.

1.Tamuera 25:31

ao i mwiina ane e na aki rawaawata nanom ke n nanokawaki teuae ko karineaki i bukin tiringakim ae akea bukina ke i bukin irantangaeam i bon iroum. Ao ko na uringai teuae ko karineaki ngkana E tia te UEA ni kakab'aiako.”