Karikani B'aai 4:4 - Te B'aib'ara

⁴ Ao e a manga uota ana tiibuteteei ae te moani bungiaki teuare Abera, ao e tiringnga, ao e anga m'akorona ake a raraoi b'a ana karea. Ao E kukurei te UEA iroun Abera i bukin ana karea,

Karikani B'aai 4:4 ပူးပေါင်းရင်းမြစ်များ

Karikani B'aai 15:17

Ao ngke e a bung taai, ao e a roo, ao a karina ni kaoti te b'aata ae bubu, ao te ai, ao a buti i marenan taian m'akoro ni man akekei.

Karikani B'aai 4:3

N te bongina, ao e uoti uaan arokana tabeua Kain, ao e anga b'a ana karea nakon te UEA.

1.Uea 18:24

A na tataro ana burabeti B'aara nakon antiia, ao ngai N na tataro nakon te UEA. Ao e na atongaki b'a te Atua ni koaua ane E kauraa te ai. Ao a taku aomata, “E raoiroi te iango anne.”

1.Uea 18:38

Ao e kanakoa te ai te UEA boni ngkekei naba, ao e kabuoka te karea ma taiani kai ao taian atiibu naba. Ao e kam'aia te tano are i rarikin te baonikarea ni katobibia ma ni kam'aua te ran ni kabane are i nanon te m'anono are e katobibia te baonikarea.

1.Rongorongo 21:26

E katea te baonikarea Tawita ao e anga karea i bukin kakukureian te UEA E tataro Tawita, ao e kaeka te UEA ni kanakoa te ai mai karawa nako aon te baonikarea.

2.Rongorongo 7:1

Ao n te tai are e bane naba iai ana tataro Toromon, ao e b'aka te ai mai karawa ni kabuoka te karea. Ao e rina ni kaona te Tembora raneanean mimitongin te UEA,

Taian Areru 20:3

E na butim'aai am karea ni kabane, ao ni kukurei n am karea ni kabane.

Te Otinako 13:12

ao kam na anga ami man karimoa aika mm'aane b'a Ana b'ai te UEA. A na bane ami man aika karimoa mm'aane n riki b'a ana b'ai te UEA,

Taeka n Rabakau 3:9

Karinea te UEA n anganna am m'ane ao moan m'akoron uaan arokam ni kabane.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Warekaia Iteraera 16:15

Ao e a rangi n un Moote, ao e taku nakon te UEA, “Ko na tai ongora i rouia mm'aane aikai! I bon tuai ni karaoa te kaairua nako ia. I bon tuai naba man anaa aia aati temanna.

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Warekaia Iteraera 18:12

N aron aei, ngkana a uoti aia moani b'a ma aia moani wain, ao aia moani uita Iteraera, ao kam na b'aini kabanean tamaroan m'akoron b'aintangira aikai.

Warekaia Iteraera 18:17

Ma e ngae n anne, ao bon au b'ai ni kabane taiani karimoa i rouia taiani kao, tiibu, ao kooti; a aki kona ni manga kaboaki ni kaokaki. E na tatauriaki te baonikarea n raraaia, ao a na kabuokaki neneaia b'a a na aetorake bubuia b'a I aonga ni kukurei.

Ebera 11:4

I bukin ana onimaki Abera, ao e angan te Atua te karea ae raoiroi riki nakon ana karea Kain; ao i bukin ana onimaki ao E kukurei te Atua i rouna ngkai e karaoa nanona; ao e boni ngae ni mate Abera, ma e teimatoa n taetae ana onimaki i bukina.

Ebera 9:22

Ao n aron taekan te Tua, a kuri ni bane b'aai ni kaitiakaki n te raraa; ao ngkana akea katutuan te raraa, ao akea naba kab'arani buure.

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Tani Motiki-taeka 6:21

Ao e taua te oko te anera i nanoni baina, ao e korea iai te iriko ao te kariki n tabon okona. Ao e kiba te ai man te b'a ao e kabuoka te iriko ma te kariki. Ao ngke e taratara nako Kiteon, ao e a akea te anera arei.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.