Karikani B'aai 4:22 - Te B'aib'ara

²² Ao Nei Tiira, e karika Tubara Kain, are boni ngaia ae moani karaoi aekaki ni b'ai ni m'akuri ni kabane ake a karaoaki man te buraonti ao te biti. Ao m'anen Tubara Kain bon Nei Naama.

Karikani B'aai 4:22 ပူးပေါင်းရင်းမြစ်များ

Karikani B'aai 4:21

Ao tarin Iabara bon Iubara, are aia bakatibu taani kakatangitang n te aabi ma te kaib'ab'aa.

Karikani B'aai 4:23

Ao e taku Rameka nakoia buuna, “Nei Ata, ao Nei Tiira, ongora irou. Kakauongo raoi nakon te b'ai ae N na tuangngkami. I a tia n tiringa te aomata are e kaikoakai, ao I a tia naba n tiringa te ataei are e kammarakai.

2.Rongorongo 2:7

Kanakomai nako iu taani m'akuri aika a aki ti konab'ai ni karaobanna, ma a konaa naba ni m'akuri ma taiani koora, tirewa, buraati, ao taiani biti, ao ai uana naba ma karaoan taiani kunnikai aika a tokatoka mataia. Aomata akana ko na kanakomaia, a na m'akuri ikai i Iuta ao i Ierutarem b'a a na raoniia taani m'akuri aika a rabakau ake e a kaman kabooia ni kam'akuriia ngkoa tamau.

Te Otinako 25:3

Aikai m'aitin b'aai ake ko na rikoi: te koora, te tirewa, ao te buraonti;

Warekaia Iteraera 31:22

“Ngkana kam tangiria ni kaitiaka te b'ai ae aki bubue, n aron te koora, te tirewa, te buraonti, te biti, te tin, ke te buange, ao kam na katikua moa n te ai ae kabuebue,

Te Tua-Kaua 33:25

ao a na reke mataroan am kaawa aika matoatoa aika te buraonti ao te biti b'autiia. A na korakora ami aomata ni kabane bongin maiuia.