Karikani B'aai 4:16 - Te B'aib'ara

¹⁶ Ao E nako Kain mai matan te UEA, ao e maeka n te aba ae e aranaki b'a Tiotionako, are e mena i mainikun Eten.

Karikani B'aai 4:16 ပူးပေါင်းရင်းမြစ်များ

Karikani B'aai 3:8

Ao ngke e moan tairiki i m'aain te roo, ao a ongongo m'akaikain waen te Atua ngke E nakonako i nanon te nne n aroka, ao a karabaia mai Rouna i buakon taian aroka.

Karikani B'aai 4:14

Ko kanakoai man te aba, ao mai matam naba. N nang riki b'a te aomata ae akea mwengana, ae tiotio nako n te aonnaba, ao e na tiringai ane I reke i rouna.”

Karikani B'aai 4:17

Ao e reke natiia te mm'aane Kain ma buuna, ao a aranna b'a Enoka. Ao E katea te kaawa ae e buubura Kain, ao e aranna n aran natina te mm'aane.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Uea 24:20

Bon Tetekia are e a manga kakaitaraa Nebukaneta. A tia kaain Iuta ao Ierutarem ni kauna te UEA. Ma ngaia are, n tokina ao E a tannako mairouia. Ao bon anne bukin rikin baikai ni kabane.

Iobi 1:12

E taku te UEA nakon Tatan, “E tamaroa, a mena b'aai ni kabane akana i rouna i nanoni baim, ma ko na aki kaikoaka Iobi.” Ao e a nako Tatan.

Iobi 2:7

Ao e nako Tatan mai matan te UEA, ao e kariki taiani kaboa i aon rab'atan Iobi ni kabuta.

Iobi 20:17

E na aki maiu ma n noori karaangan b'aan te oriwa, ke taian raanga n ran ake e raanga iai te miriki ma ana karewe te manibeeru

Taian Areru 5:11

Akana a biri nakoim i bukin katanaia; ke a anene ni kim'areirei n taai nako. Kataniia akana a tangiriko raoi ni koaua; ao kakim'areireia.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Te Otinako 20:18

Ao a maaku aomata ao a kararoaia nako ngkana a ongo rebwen te baa, tangin te buu, ma n noora te iti ma te bubu man te maunga.

Ieremia 23:39

N na anaiko ao N na karenakoko nako kiraroa. Ao i mwiina, N na kiitana te kaawa ae Ierutarem are I a tia n anga nako ia ami bakatibu.

Ieremia 52:3

ao bon Tetekia are e a manga kakaitaraa Nebukaneta n te kabanea n tai. A a tia kaain Iuta ao Ierutarem n rangi ni kauna te UEA n te aro are n tokina e a tannako mairouia. Ao bon anne bukina are e riki iai b'aai aika a rangi ni kakamaaku.

Iona 1:3

Ma e teirake Iona ni birinako mairoun te UEA n te kawai teaina. E nako Iob'a ao e nora te kaibuke ae e na borau nako Tibein (Taretiti). E kab'aka kantokana ao e toka i rarikiia kaimoa b'a e nang kaea Tibein, te tabo are e taku b'a e na raroa iai mai roun te UEA.

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Ruka 13:26

Ao ngkami, ane kam na kangai, “Ti am'arake ao ti moi ma ngkoe, ao ko reirei i nanoni kawain ara kawa.”

Ioane 1:10

E mena te Taeka i aonnaba, ao e karikaki aonnaba i rouna, ma a aki kinaa aomata.

Ioane 1:3

E kariki b'aai ni kabane te Atua i rouna; ao ngke tao akea Ngaia, ao e aki karikaki te b'ai teuana ae karikaki.

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,