Karikani B'aai 4:11 - Te B'aib'ara

¹¹ E na roko te tekebuaka i aom man te tano are e a tia n nima raraan tarim ngke ko tiringnga.

Karikani B'aai 4:11 ပူးပေါင်းရင်းမြစ်များ

Karikani B'aai 3:14

Ao E a manga taku te UEA ae te Atua nakon te naeta, “Ngkai ko a tia ni karaoa aei, ao n te tai aei, ao bon ti ngkoe ae ko na tekebuaka mai buakoia maan ni kabane. Ko na kawakawa i aon birotom, ao ko na kaakana bubun aontano i nanon am bong ni kabane.

Karikani B'aai 4:14

Ko kanakoai man te aba, ao mai matam naba. N nang riki b'a te aomata ae akea mwengana, ae tiotio nako n te aonnaba, ao e na tiringai ane I reke i rouna.”

Karikani B'aai 5:29

ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

Iobi 16:18

Te aonnaba O, tai karabai taiani kaairua aika a tia ni karaoaki nako Iu. Ko na tai katoka tangiu i bukin te eti.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

I-Karatia 3:10

B'a a nangi reke kaiia aomata aika bati aika karaoi baika tangiraki n te Tua; b'a e a tia ni koreaki ae kaangai, “E na reke kain te aomata ae aki teimatoa ni karaoi b'ai ni kabane ake a koreaki ni bokin te Tua!”

Te Kaotioti 12:16

Ao aontano e buoka neierei: e kaurea wina aontano ao e oonga te karaanga are e katinakoa te rakon mai wina.