Karikani B'aai 39:9 - Te B'aib'ara

⁹ I bon rangi ni kakannato i rouna b'a bon akea te b'ai teuana ae taua mai rou, ma bon ti ngkoe. Ao N na kanga ngkanne ni karaoa te m'akuri ae buakaka, ao ni karaoa te bure nakon te Atua?”

Karikani B'aai 39:9 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

Karikani B'aai 20:3

Ao n te tairiki teuana, ao e kaoti te Atua nako ina n te mii ao E taku, “Ko nangi mate b'a ko a tia n anaa te aine ae iai buuna.”

Karikani B'aai 20:6

Ao E kaeka te Atua n te mii, “Eng, I ataia b'a ko karaoa anne ma te nano ae itiaki, ao bon anne bukina are I tuukiko iai b'a ko na aki nako iu, ao ko na aki riingnga naba Nei Taara.

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Karikani B'aai 24:2

Ao e taku nakon ana toro are te kabanea n ikawai are Erietera, are boni ngaia are e tararuai ana b'ai Aberaam ni kabane, “Ko na anganai baim

Karikani B'aai 39:10

Ma e ngae n anne, ao e bubutiia Ioteb'a neierei ni katoa bong b'a e na wene ma ngaia.

Karikani B'aai 41:40

N na rineiko b'a ko na tararua abau ni kabane, ao a na bane aomata n ongotaeka nakon am taeka. Ko na riki b'a au kauoman.

Karikani B'aai 42:18

Ao e taku Ioteb'a nakoia n te katenibong, “Bon te aomata ngai ae I mamaaka te Atua, ao ti teuana te anga are N na kona ni kamaiu ngkami iai.

2.Tamuera 11:27

Ao tabeua te tai i mwiin tokin tangina, e a kanakoa temanna Tawita b'a e na kairiia nakon te bareti. Ao e riki b'a buun Tawita, ao e riki natina te m'aane. Ao E un te UEA n te b'ai are e a tia ni karaoia Tawita,

2.Tamuera 12:13

Ao e taku Tawita, “I a tia ni aki ongotaeka nakon te UEA.”

Neemia 5:15

Taian kowana ni kabane ake i m'aaiu a bon karawaawataia aomata ni karaoia aomata b'a a na kabooi kanaia ma nimaia ao a tangira abwi te m'ane te tirewa ni katoa bong. Ao bon taian mataniwi naba aika a karawaawataia aomata. Ma I karinea te Atua, ao I taku b'a e aki riai te karawaawataia aomata.

Neemia 6:11

Ao I taku, “E aera ngkai N na biri nako ma ni karabaai i nanon te Tembora i bukin rawean maiu? I aki nako!”

Iobi 31:23

I bon aki kona ni karaoa aei, i bukina b'a I maaka Ana katuua te Atua.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Te Otinako 20:14

“Ko na aki wenenibure.

Taeka n Rabakau 6:29

Ao ngkana ko nako ni matu ma buun te m'aane temanna, ao ko na bon anaa uaana.

Taeka n Rabakau 6:32

Ma ngkana ko matu ma buun te m'aane temanna, ao ko na bon uruana arom ni uaan am nanobaba.

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Nakoaia Ibonga 6:2

Ngkana iai ane e rawa ni kaoka ana b'ai raona are bon riai n anganna, ke e kimoaia, ke e m'am'anaa raona iai, ke e kewe n te b'ai are e bua b'a aongkoa e tuai reke i rouna, ao e bure iai nakon te UEA,

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

Ruka 12:48

Ma ane aki ataia, ao e karaoa ae e na oreaki iai, e na oreaki ni karaurau. Ane anganaki baika bati, ao e kantaningaaki rekeni baika bati mai rouna; ao ane mwiokoaki ni baika bati irouia aomata, ao a na kabatiai riki baika a na kaauakin mai rouna.

1.I-Korinto 4:2

Ao te bae e tangiraki mairouia touati bon aroia ni kakaonimaki.

Tito 2:10

ke n iraei aia b'ai; ma a na kaotiia b'a iai onimakinaia ni koaua, ao n te aro aei a katamaroa te reirei i bukin taekan te Atua are ara Tia Kamaiu n aroia nako.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

1.Ioane 3:9

Ane bungiaki mairoun te Atua ao e aki karaoa ae bure, b'a e memena anuan te Atua i nanona; ao e aki kona ni bure, b'a e bungiaki mairoun te Atua.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.