Karikani B'aai 39:4 - Te B'aib'ara

⁴ Ao e tatangiria Botib'a, ao e karikia b'a bon ana toro, ma ngaia are, e karikia b'a te tia tararua ana auti ma ana b'ai ni kabane.

Karikani B'aai 39:4 ပူးပေါင်းရင်းမြစ်များ

Karikani B'aai 15:2

Ma e kaeka Aberam, “Te UEA ae Moan te M'aaka, tera bonganan kaniwangau ae Ko na anganai ngkai, ao e tuai man reke natiu? Ao e nang b'aib'ai i mwiiu ngkana I mate teuare Erietera are kaain Tamateko.

Karikani B'aai 18:3

ao e taku, Raou aika kam karineaki, tai ri aoni mwengau, ma tiiku motirawa. I tauraoi ni buokingkami.

Karikani B'aai 19:19

Kam a tia ni karaoa ae moan te korakora nako iu b'a kam a tia ni kamaiuai. Nooria, a rangi n raroa nako taian tabuki, ao ane na kauiaai kamaamaten kamaunaan Tootom i m'aain rokou n taian tabuki akekei.

Karikani B'aai 24:2

Ao e taku nakon ana toro are te kabanea n ikawai are Erietera, are boni ngaia are e tararuai ana b'ai Aberaam ni kabane, “Ko na anganai baim

Karikani B'aai 32:5

A m'aiti au nanai ni kao, ma au nanai n aati, ma au nanai n tiibu, ma au nanai ni kooti, ao au toro. I kanakoa au bubuti nakoim b'a ko na kab'ara au bure.”

Karikani B'aai 33:10

E taku Iakob'a, “Tiaki ngaia anne, I a butiiko. Ngkana ko taku b'a ko kukurei irou, ao ko na butim'aai au b'ai n tangira. Nooran matam i rou kaanga aron nooran matan te Atua, ma ko a tia ni karaoa te m'akuri n iraorao nako iu.

Karikani B'aai 33:8

Ao e taku Etau, “Ao tera te koraki are teuana ake I kaaitibo ma ngaiia? Tera nanon anne?” Ao e taku Iakob'a, “Bon ara m'akuri n anai nano nakoim.”

Karikani B'aai 39:8

Ma e rawa, ao e taku nakoina, “Nooria, akea te b'ai ae katabea nanona iai au toka ni b'ain ana auti ni kabane, i bukina ngkai I mena ikai. E a tia ni mwiokoai n ana b'ai ni kabane.

1.Uea 16:9

Ao e tararuai iteran ana kaanibuaka Era ana mataniwi temanna are Timri. E iaiangoa tiringan Era te mataniwi are Timri. N te bong teuana ao e mena Era i Tireta, e tabe ni mooi manging n ana auti Areta are ana buraiminitita.

Etita 2:9

Ao e tatangiraki riki Nei Atita iroun Ekai. Ma ngaia are, e aki manga anga ana tai ma e a waakina naba kakatamaroan te aine arei, ma n anganganna te am'arake ae e okoro. E anganna ana tabo ae e rangi n tamaroa n te tabo arei, are nneia buun te uea, ao e rinei itiman ainen te bareti b'a buokana.

Taeka n Rabakau 14:35

A anga te kaniwanga taian uea nakoia aia taani m'akuri aika a m'akuri ma te wanawana, ma a katuaaia akana a m'akuri ma te nanobaba.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Taeka n Rabakau 17:2

Te toro ae e m'akuri korakora e na tautaekana te te nati ae e aki raoiroi, ao e na anganaki te toro anne tib'angana ae ti te bo ma tib'aia naati ni kabane.

Taeka n Rabakau 22:29

Ngkana kam karaoa raoi ami m'akuri, ao kam bon m'akuri iai i bukin te tia tautaeka ao kam na bon aki manga riki b'a te toro.

Taeka n Rabakau 27:18

Kaawakina raoi te aroka ao ane e na manga anganiko uaana; tararuaa raoi am toka ao ko na neboaki.

Taeka n Rabakau 3:4

E na tangiriko te Atua ma aomata ao a na atongko b'a ko tokanikai.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

Ruuta 2:6

Ao e taku teuarei, “Bon te Iruwa, are e ira Naomi ngke e oki mai Moaaba.

1.Tamuera 16:22

E aki rangi ni maan i mwiin aei, ao e a manga kanakoa riki te rongorongo Tauro nakon Iete ae kaangai, “I rangi n tangira Tawita, ma ngaia ae I butiiko b'a ko na kariaia tikuna i rarikiu.”

1.Tamuera 2:26

Ao e tabe n rikirake tangirakin Tamuera iroun te UEA ao ana aomata te UEA.