Karikani B'aai 39:3 - Te B'aib'ara

³ are e nooria b'a E memena te UEA iroun Ioteb'a ma ni kakanakoraoi b'aai ni kabane ake e karaoi.

Karikani B'aai 39:3 ပူးပေါင်းရင်းမြစ်များ

Karikani B'aai 21:20

Ao E raoraona te ataei arei te Atua i nanon rikirakena. E maeka n Rereuan B'aran, ao e riki ngaia b'a te tia kaeman ae moan te rabakau.

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

Karikani B'aai 21:23

Ma ngaia are, kam na karaoa ami berita ikai i matan te Atua b'a kakoauaan ae kam na bon aki kam'aneai ma au koraki n ataei, ke kanoau rimwi. I a tia ni kakaonimaki nakoim, ma ngaia are, ko na kakaonimaki naba nako iu, ao nakon te aba aei ae ko maeka iai.”

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 26:28

Ao a taku, “Ti a ataia ngkai b'a E bon memena te UEA iroum, ao e riai b'a ti na karaoa te boraraoi i marenara ma ngkoe, ao ti butiiko b'a ko na berita iai

Karikani B'aai 30:27

Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim.

Karikani B'aai 30:30

Bon ti tabeua ngkoa i m'aain rokou, ao E a tia te UEA ni kakab'aiai b'aai ni kabane ake I a tia ni karaoi. Ao ngkai e a roko te tai are I a bon riai ni karikirakea arou iai i bon irou.”

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

Karikani B'aai 39:23

Ao e aki tabe ma b'aai ni kabane te tia tararua te karabuuti b'a e a tia n angan Ioteb'a te mwiokoaki, i bukina ngke E mena te UEA iroun Ioteb'a, ao E kakab'aiai b'aai ni kabane ake e karaoi.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

1.Rongorongo 22:13

Ngkana ko ira nanon Ana tua nako ma ana reirei ake E a tia te UEA n angan Moote, ao ko na bon tetekeraoi. Ko na korakora ao ko na ninikoria ao e na aki b'ab'ara nanom ke ni maaku ni b'aai nako.

1.Rongorongo 9:20

E a tia n tararua te m'akuri Bineati are natin Ereata te m'aane i bukina ngke E memena te UEA i rouna.

2.Rongorongo 1:1

Ao e a matoa ana tautaeka n abanueana ni kabutaa ngkai te uea are Toromon are natin Tawita, i bukina b'a e a tia te UEA ae te Atua ni kakab'aia ma ni karikia b'a te uea ae korakora.

2.Rongorongo 26:5

Ana tia iango Utia bon Tekaria are e reireinna te ongotaeka iroun te Atua. Ai ngaia are, ngke e maiu Tekaria ao e kakaonimaki Utia nakon te Atua, ao e karaoia te Atua b'a e na tetekeraoi.

Neemia 2:20

Ao I taku, “Bon ana toro te Atua ae e tautaekana karawa ngaira, ao ti na bon kakororaoa ara m'akuri. Ti na manga moana katean Ierutarem, ma bon akea ami b'ai n ana b'ai nako, b'a bon akea tib'angami n rongorongona.”

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Te Kaotioti 3:9

Noria, N na kanakoia tem'angina man ana botannaomata Tatan b'a a na bobaraaki i rarikini waem, te koraki aika taani kewe, aika taku b'a I-Iutaia ngaiia, ma bon tiaki, ao a na ataia b'a I tangiriko.

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:28

Ao e ataia Tauro b'a e tangira Tawita Nei Mikara, ao e ataia naba b'a e buokaki Tawita iroun te UEA.

1.Tamuera 3:19

Ngke tabe n rikirake Tamuera, ao E buokaki iroun te UEA ao e karaoi b'aai ni kabane ake e taekin Tamuera.