Karikani B'aai 39:21 - Te B'aib'ara

²¹ Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

Karikani B'aai 39:21 ပူးပေါင်းရင်းမြစ်များ

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

Karikani B'aai 39:3

are e nooria b'a E memena te UEA iroun Ioteb'a ma ni kakanakoraoi b'aai ni kabane ake e karaoi.

Karikani B'aai 39:4

Ao e tatangiria Botib'a, ao e karikia b'a bon ana toro, ma ngaia are, e karikia b'a te tia tararua ana auti ma ana b'ai ni kabane.

Karikani B'aai 40:3

ao e a kariniia n te karabuuti n ana auti mataniwiia taani kaawakiniia buure, ni bon te tabo naba are e kaawakinaki iai Ioteb'a.

Taian Areru 105:19

E tiku Ioteb'a b'a te toro ni karokoa e koro bukin ana taeka, ao e toki kataana iroun te UEA.

Taian Areru 105:22

E anganna te m'aaka n tau aroia ana aobitia, ao te kona n reireiniia baika a riai ni karaoi.

Taian Areru 106:46

Ao a riki n nanoangaki iai irouia ake a taenikai irouia.

Te Otinako 11:3

Ao te UEA, E karaoia kaain Aikubita b'a a na karineia Iteraera. Ni koauana raoi, a atonga Moote mataniwi ni kabane b'a te aomata ae e kakannato.

Te Otinako 12:36

E karaoia kaain Aikubita b'a a na karineia aomata ao a anganiia b'aai ake a buubuti. Ao n te aro aei, a uoti nako iai kaub'aia kaain Aikubita.

Te Otinako 3:21

I mwiin, katuaaeaia kaain Aikubita, are a na rangi ni maakuko ao a na anganiko b'aai ni kabane ake ko tangiri. Bon Au aomata ngkami, ao N na bon kariaia b'a kam na uoti b'aai aika a m'aiti ngkana kam kiitana Aikubita.

Taeka n Rabakau 16:7

Ngkana ti kakukureia te UEA ao a na bon kan raoraoniira naba ara kairiribai.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Taniera 1:9

ao te Atua e karika Atibenati b'a e na tatangira Taniera.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

1.Betero 3:17

B'a e raoiroi riki marakimi i bukini karaoan ae e raoiroi, ngkana anne nanon te Atua, nakoni marakimi i bukini karaoan ae buakaka.