Karikani B'aai 38:24 - Te B'aib'ara

²⁴ Ao i mwiin tabeua te nam'akaina, ao iai ae roko n tuanga Iuta ni kaangai, “E a tia ni karaoa te m'akuri n aine ni mataawa buun natim are Nei Tam'aa, ao e a bikoukou ngkai.” Ao e taku Iuta, “Kaotinakoa, ao kabuokia ni karokoa matena.”

Karikani B'aai 38:24 ပူးပေါင်းရင်းမြစ်များ

Karikani B'aai 20:3

Ao n te tairiki teuana, ao e kaoti te Atua nako ina n te mii ao E taku, “Ko nangi mate b'a ko a tia n anaa te aine ae iai buuna.”

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Karikani B'aai 34:31

Ma a taku, “Ti bon aki kona ni kariaia m'anera b'a e na karaoaki te m'akuri n tautau nako ina kaanga te aine n aki akaaka.”

Karikani B'aai 38:23

Ao e taku Iuta, “E aoria b'a e a kaawakin, b'a ti a kaawa ni ngareakinaki irouia aomata. I iangoia b'a aongkoa N na kabooa, ma ngaia e aki reke iroum.”

2.Tamuera 12:5

Ao e rangi n ribaa te aomata are e kaub'ai Tawita ao e taku nakon Natan, “I tuea iroun te UEA b'a e na riai ni mate te aomata ane e karaoa anne!

2.Tamuera 12:7

Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

Te Minita 7:26

Aei mwiin te b'ai ae I kunea: E buakaka riki te aine ae e kam'araa nakon te mate. Bon te b'ai ni kam'ane ngaia, ae e kaaenakoa rab'atana ma nanona n raweiko. Ma ngkana ko ongotaeka iroun te Atua, ao ko na konaa ni biri nako mai rouna. Ngkana ko aki ongotaeka, ao e a tia ikanne.

Ieremia 2:20

Kam kiitanai n taai ake ngkoa ao kam urui taiani kabae ni kabane ake i marenara, kam rawa n riki b'a Au taani m'akuri. Ao ngkai kam a taromaurii anti tabem'aang n aromi ni wene ni bure i aon taian tabuki ke i aan nuuni kaai aika a korakora.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:6

Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Etekiera 16:15

Ko ataia b'a ko konaa n anaa nanoia m'aane nako akana ko tangiriia, ma ngaia are, ko anga rab'atam nakoia akana a rirarikim ni kabane.

Etekiera 16:25

ike ko kab'ainrangko iai ni wene ni bure ma aomata nako akana a kaoti i rarikim. Ao ko kabatia karaoan anne n te bong teuana ma te bong teuana!

Etekiera 16:26

Ko kamaraka nanou n anga rab'atam nakoia kaain Aikubita, ike a bon kaman tia ni wenewene ma ngkoe.

Etekiera 16:28

E aki toki nanom ni wene ni bure, ma ngaia are, ko ri mwiin Aturia ni kakioa ao ko wene ma ngaiia. Ao ko bon aki rauaki naba,

Etekiera 16:41

ao a na kabuoka am auti nako. Ao a mataku koraki n aine ake te korakina ni b'aai ake a riki nakoim aika a kakamaaku. I berita b'a N na katoka arom n aine ni mataawa ma te anganga b'ai nakoia am tangira nako.

Etekiera 23:19

E aki toki ikanne Nei Oorib'a ma e riki rake kammairana ao e karaoa are e karaoia ngkoa i Aikubita.

Etekiera 23:44

Ni bon koauana, a ngae n okioki m'aane aikai ni wene ni bure ma Nei Oora ao Nei Oorib'a, taari ake uoman aika taani bure.

Etekiera 23:5

E ngae ngke e riki b'a buu Nei Oora, ma e bon waaki naba arona n aine ni mataawa ma n riri mwiin ana tangira are Aturia.

Otea 2:5

E aki kakaonimaki tinam. E rangi ni b'ainrang ao e taku, “N na biri n rimwiia au tangira A bane n roko b'aai mairouia kanau ma nimau, kunnikaiu te riinen ao te burae n tiibu, au b'a n oriwa ao te wain.”

Otea 3:3

Ao i mwiina, I taku, “Ai au b'ai ngkoe ngkai! Ko na nang riai ni kakaonimaki nako iu, e ngae ngke ti a maan n aki boobotaki ni wene.”

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Nakoaia Ibonga 20:10

Ngkana iai te m'aane ae e wenenibure ma te aine temanna, a na uaia ni kamateaki ni kauoman.

Nakoaia Ibonga 21:9

Ngkana iai te ibonga ae e kamaamaeaki iroun natina te aine ae e riki b'a ainen matawaan te tembora, e riai neienne ni kabuokaki ni karokoa matena.

I-Rom 14:22

Am onimaki ane i roum ae kaeti ma baikai, bon am b'ai i marenam ma te Atua. E a kab'aia te aomata are namakinna b'a e aki kabuakakaki n are karaoia ngkana e koaua iai b'a e aki bure.

Te Tua-Kaua 24:16

A na aki tiringaki kaaro i bukin aia bure natiia, ao a na aki tiringaki naba naati i bukin aia bure aia karo. Akea temanna ae kam na tiringnga i bukin ana bure temanna.

Tani Motiki-taeka 19:2

ma e aki raoiroi aron te aine arei, ma ngaia are, e a nako neierei n okira mwengaia ana utu i Betereem. I mwiin aua te nam'akaina