Karikani B'aai 38:14 - Te B'aib'ara

¹⁴ Ma ngaia are, e buuta kunnikaina are kunnikaia aine aika mate buuia, ao e rabuna matana n te rabuna ni mata, ao e nako n tekateka i matan mataroan te kawai nako Enaim, te kaawa are e mena n te kawai nako Timna. E a tia n ataia neiei b'a e a bon ikawai Teera are natin Iuta te mm'aane are te bina, ao e tuai mani kaieinaki ma ngaia.

Karikani B'aai 38:14 ပူးပေါင်းရင်းမြစ်များ

Karikani B'aai 24:65

ao e titirakina ana toro Aberaam ni kaangai, “Antai teuare e tabe n nakomai arei?” Ao e kaeka te toro ni kaangai, “Bon au toka.” Ma ngaia are, e anaa te rabunanimata, ao e rabuna matana iai.

Karikani B'aai 38:15

Ao ngke e nooria Iuta, ao e taku b'a ainen mataawa temanna i bukina ngke e rabuna matana.

Karikani B'aai 38:19

Ao e nako n okira ana auti neierei, e kanakoa rabunan matana, ao e a manga karina kunnikaina n aine, are kunnikaia aine aika mate buuia.

Karikani B'aai 38:26

Ao e kinai Iuta, ao e taku, “E bon eti neienne, ao I a tia ni bure n aki kakoroa bukin au taeka nakoina-N na riai ni kaman anaia b'a buun natiu te mm'aane are Teera.” Ao e aki manga oki Iuta ni kawara neierei.

Taeka n Rabakau 7:10

E kunnikainna n te kunnikai ae e tamaroa kaanga ainen mataawa ma ana kaantaninga ae ti teuana i nanona.

Taeka n Rabakau 7:12

aika a nooraki ni kawain nako te kaawa, ni kaakaraniia m'aane.

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Etekiera 16:25

ike ko kab'ainrangko iai ni wene ni bure ma aomata nako akana a kaoti i rarikim. Ao ko kabatia karaoan anne n te bong teuana ma te bong teuana!