Karikani B'aai 37:8 - Te B'aib'ara

⁸ Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

Karikani B'aai 37:8 ပူးပေါင်းရင်းမြစ်များ

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

Karikani B'aai 37:4

Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

Karikani B'aai 37:9

Ao e a manga mii riki Ioteb'a, ao e a manga tuangiia naba tarina, ao e taku, “I a manga mii naba, ao I noora taai ma nam'akaina, ao itoi aika tebwi ma teuana aika bobaraaki nako iu.”

Karikani B'aai 42:10

Ao a taku, “Tiaki ngaia anne teuae ko karineaki, ti roko b'a am toro ngaira b'a ti na kabooi karara.

Karikani B'aai 44:18

Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea.

Karikani B'aai 49:26

Taian kakab'aia aika uita ma ueen kaai, Taian kakab'aia aika maunga ake mangkoa, B'aai aika kakukurei man taian tabuki ake akea tokiia. A bia mena taian kakab'aia aikai i aon atuun Ioteb'a, I aon ram'an te aomata ae raure nako ma tarina nako.

Karikani B'aai 50:18

Ao i mwiina, a roko tarina nako ina ma ni bobaraaki i matana ao a taku, “Aikai ngaira i matam aika am toro.”

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Te Otinako 2:14

Ao e taku te mm'aane arei, “Antai ae e tuangko b'a ko na tararuaira ma ni karikiko b'a te tia motiki taekara? Ko nang manga tiringai naba, n aron te I-Aikubita arei?” Ao e maaku Moote n te b'ai arei, b'a e a kakoaua b'a a tia aomata n ataa te b'ai are e a tia ni karaoia.

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

Ruka 20:17

Ao E katokai matana Iesu n taraia, ao E taku, “E kanga ngkanne ootami n are koreaki ni kangai: Te atibu are a ribaia taani kateitei, b'a akea bongana, e a riki b'a te atibu ae moan te kakawaki i buakon atiibu nako.

M'akuri 7:35

Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

Te Tua-Kaua 33:16

E kan anganingkami uaan te aba aika rangi n raraoi te UEA are kaoti ngkoa man te kai ae bue, ao a na toka i aon atuun Ioteb'a kaanga ana baunuea te natinuea.

Ebera 10:29

Tera ngkanne aron te aomata ae toutoua Natin te Atua i aani waena, ma n atoatonga te raraa are b'ain te boraraoi are kaitiakaki iai man te bure b'a te b'ai ae aki itiaki, ma ni kamatauningaa te Tamnei n akoi? Iangoia ngkanne b'a m'aitira riki te karawawataki are e na b'akaria b'a mwini motikan taekana!

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.

1.Tamuera 17:28

Ao e ongongo ana taetaenikawai Tawita ma tautia natin Iete are te ikawai are Eriaba. Ao e un Eriaba nako ina ni kaangai, “Tera ae ko karaoia ikai? Antai ngkanne ane kaawakiniia tiibu ake uarereke i nanon te rereua? Te ataei ngkoe ae ko buakaka! Ko ti nako mai b'a ko na noora te buaka, tiaki ngaia anne?”

1.Tamuera 18:8

Ao e rangi n un Tauro n te anene arei, ao e iango i nanona ni kaangai, “A taku b'a e tiringiia tebwina tengaa riki nakon are I a tia ni karaoia. Ao ane a na manga tangiria ni karikia b'a aia uea.”