Karikani B'aai 37:4 - Te B'aib'ara

⁴ Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.

Karikani B'aai 37:4 ပူးပေါင်းရင်းမြစ်များ

Karikani B'aai 27:41

Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.”

Karikani B'aai 37:11

Ao a bakantang tarina i rouna, ma e tabetabe nanon tamana n te b'ai arei.

Karikani B'aai 37:5

Ao e mii Ioteb'a n te tai teuana, ao ngke e tuangiia tarina, ao a manga rangi n riribaia riki.

Karikani B'aai 4:5

ma E aki butim'aea ana karea Kain. Ao e maraki nanon Kain iai, ao e moanoku.

Karikani B'aai 49:23

A buakanna ana kairiribai n te aro ae moan te kamaamate, Ao a kakioa ma aia kainikatebe ma aia kanoanikatebe.

Taian Areru 38:19

A marurung ma ni korakora taan ribaai; A bati akana akea bukin ribaakiu i rouia.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Mareko 3:25

Ao ngkana e koroutuaki te utu teuana, ao a bobuaka i bon i rouia, ao e na uruaki rab'atan te utu anne.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

1.Ioane 4:20

Ngkana e kangai temanna, I tangira te Atua, ao ngkana e ribaa tarina, ao bon te tia kewe ngaia; b'a ane aki tangira tarina ae e a tia n noria, ao e aki kona n tangira te Atua ae e tuai noria.

1.Tamuera 17:28

Ao e ongongo ana taetaenikawai Tawita ma tautia natin Iete are te ikawai are Eriaba. Ao e un Eriaba nako ina ni kaangai, “Tera ae ko karaoia ikai? Antai ngkanne ane kaawakiniia tiibu ake uarereke i nanon te rereua? Te ataei ngkoe ae ko buakaka! Ko ti nako mai b'a ko na noora te buaka, tiaki ngaia anne?”