Karikani B'aai 37:13 - Te B'aib'ara

¹³ Ao e taku Iakob'a nakon Ioteb'a, “I tangiria b'a ko na nako Tekem n te tabo are a kaawakiniia maan iai tarim.” Ao e taku Ioteb'a, “I tauraoi.”

Karikani B'aai 37:13 ပူးပေါင်းရင်းမြစ်များ

Karikani B'aai 22:1

Ao i mwiin te tai ae aki maan, ao E a kataa Aberaam te Atua; ao E weteia ni kaangai, “Aberaam!” Ao e kaeka Aberaam, “Aio ngai!”

Karikani B'aai 22:11

Ma E weewete aneran te UEA mai karawa ao e taku, “Aberaam, Aberaam!” Ao e kaeka Aberaam, “Aio ngai.”

Karikani B'aai 27:1

Ao e a rangi ni kara Itaaka, ao e a matakii, ao e kawaekoa natina are te karimoa are Etau, ao e taku nakoina, “Natiu!” Ao e kaeka natina, “Aio Ngai!”

Karikani B'aai 27:18

Ao e a nako Iakob'a nakon tamana, ao e taku, “Tamau!” Ao e kaeka tamana, “Aio! Ao natiu ra aio?”

Karikani B'aai 33:18

Ao i nanon kawaina n oki mai Metobotamia, ao e roko raoi Iakob'a n akea te kangaanga n te kaawa are Tekem n te aba are Kanaan, ao e katea iai ana auti n rianna n te tawaana are i rarikin te kaawa arei.

Karikani B'aai 37:12

Ao n te tai teuana ngke a tia n nako tarin Ioteb'a nako Tekem ni kam'arakei ana nanai n tiibu tamaia

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Ruka 20:13

E taku ngkanne teuare ana b'ai nneni kureebe, “Tera ae N nang karaoia? N na kanakoa natiu ae tangiraki i rou; tao a na karinea!”

1.Tamuera 3:16

Ma e taku Eri nako ina, “Tamuera ae natiu, nakomai ikai!” Ao e taku Tamuera, “Aio ngai!”

1.Tamuera 3:8

Ao ngke E a manga wetea naba arana te katenua n tai, ao e teirake Tamuera ni kawara Eri ao e taku, “Aio ngai! Tera ae ko tangiria?” Ao e a ataia Eri b'a bon te UEA ae taetae nakon Tamuera.