Karikani B'aai 35:2 - Te B'aib'ara

² Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

Karikani B'aai 35:2 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 31:19

Ao e roko Nei Rakera i mwiin Raab'an ngke e nako ni koroburaei ana tiibu, ao e iraei bouan antin te utu are ana b'ai tamana.

Karikani B'aai 31:30

I ataia b'a ko a nako b'a ko a rangi ni kan nakon am auti, ma e aera ngkai ko iraei bouan antin te utu?”

Karikani B'aai 31:34

Ma e a kaman anai bouan antin ana utu Raab'an Nei Rakera ni kamenaki i aan kaintekatekan ana kamero, ao e a manga tekateka i aoia. Ao e kakaea Raab'an n ana auti n rianna Nei Rakera ni kabutaa, ma e bon aki roko n te kunei.

Karikani B'aai 34:2

Ao ngke e nooria Tekem are natin Amora are te I-Iwaite, are mataniwiin te aono arei, ao e nako n raweia, ao e taua.

Karikani B'aai 35:22

Ngke e maeka Iakob'a n te aba arei, ao e wene ni bure Reuben ma temanna buun tamana ni kewe are Nei Birea; ao e ongo Iakob'a, ao e un iai.

2.Tamuera 7:23

Bon akea riki te botannaomata n te aonnaba ae ti te bo ma Iteraera, te botannaomata are Ko kamaiua man te tautoronaki i Aikubita b'a a na riki b'a oin Am b'ai. Ko moanna n ataaki ni karaoan kakai aika a kamimii ngkana Ko kairoroia botannaomata ma antiia b'a a na kiitana abam, b'a a aonga ni konaa ni maeka ikai Am aomata.

2.Uea 17:29

Ma a katei baangotan oin antiia koraki aika a kakaokoro n tatabeua nako ni kabutaa aon Iteraera, ao i mwiina, a manga katei bouananti aikanne ni nnen aia baangota Iteraera.

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

1.Rongorongo 16:26

A taromauri bouannanti botannaomata ake tekorakina, ma E karaoi taiani karawa te UEA

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Te Otinako 19:14

Ao i mwiina, e ruorikaaki ma n tuangiia aomata b'a a na ikotaki ni katauraoia nakon te taromauri. Ma ngaia are, a uati aia kunnikai.

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Te Minita 5:1

Taratara raoi n te b'ai ae ko karaoia ngkana ko rin n ana Tembora te Atua. Iai tabeman aomata aika a nanobaba aika a nako ikekei n angakarea, e ngae ngkana bon akea aia bure. Ma e raoiroi riki ngkana ko ti kakauongo ngkana ko nako n taromauri.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ieremia 16:20

Taiani bouannanti aika a karaoaki a karaoaki ni bain te aomata.”

Ieremia 5:7

Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 20:7

I tuangiia b'a a na kaaki aia bouannanti aika a rangi n ribaaki ao a na aki manga bure n taromauriia antiia kaain Aikubita. I kauringiia b'a bon te UEA Ngai ae Atuaia,

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

Nakoaia Ibonga 15:5

E na uatiia kunnikaina, ao e na tebokia te aomata ane e riinga ana kainiwene,

Nakoaia Ibonga 17:16

Ngkana a aki karaoa aei, ao a na kana uaan aia m'akuri.

Warekaia Iteraera 31:24

Uaati ami kunnikai n te kaitiua ni bong, ao i mwiin anne, kam a itiaki ao kam a kona n okira te maeka.”

M'akuri 19:26

Ao kam noria, ao kam ongo, b'a tiaki ti i Ebeto ae e kairoroia ma n anai nanoia iai aomata teuare B'auro, ma e kuri ni kabuta aon Atia, n taku b'a tiaki atua baika karaoaki ni baiia aomata.

1.I-Korinto 10:7

Kam na tai riki b'a taan taromauri bouannanti n ai aroia tem'angina i buakoia. N ai aron are koreaki ni kangai, “A tekateka aomata b'a a na am'arake ma ni moi, ao a tei rake b'a a na m'am'aie.”

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 4:8

Ma kam aki ata te Atua ngkekei, ao kam toro irouia baika iai m'akaia aika tiaki atua;

Te Tua-Kaua 11:28

Ma ngkana kam aki ongotaeka nakoina ma n taromauri taian atua aikai aika akea te b'ai ae a kona ni karaoia i bukimi, ao E na katekebuakaingkami te UEA.

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.

Te Tua-Kaua 5:7

Kam na aki taromauria te atua riki temanna i rarikiu

Te Tua-Kaua 6:14

Tai karaoi b'aai aika rekereke ma atua ake a taromauriaki irouia botannaomata akana i rarikimi.

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

Iotua 24:2

Ao e taku Iotua nakoia aomata ni kabane, “Aikai Ana taeka te UEA, A taromauriia anti tabem'aang ami bakatibu ngkoa ngke a maeka n iteran te karaanga are Iuberetiti, are i mainiku. Ao ami bakatibu anne bon teuare Tera, are taman Aberaam ma Naora.

Iotua 24:20

Ao E na bon karekea kaimi ngkana kam a manga onimakiniia anti ianena. E na tiringngkami e ngae ngkana E a tia ni karaoa ae raoiroi nakoimi mai m'aaina.”

Iotua 24:23

Ao e a manga taku Iotua, “Ao kam riai ni kamaunai ngkai anti ianena aika i roumi, ao kam na berita b'a kam na kakaonimaki nakon te UEA ae Atuaia Iteraera.”

Iuta 1:23

Kam na kamaiuia tem'angina ni buritiia man te ai; ao kam na nanoangaiia tem'angina ma te maku, ma kam na ribai aia kunnikai aika kabarekaki n aia kaib'ab'aru aika kam'ara.

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.

Ruuta 1:15

Ma ngaia are, e a taku Naomi nakon Nei Ruuta, “E a okiria ana utu ma antina tarim, ao ngkoe ko na okira naba mwengam ma ngaia.”

1.Tamuera 16:5

Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”