Karikani B'aai 34:7 - Te B'aib'ara

⁷ ao ngke a oki natin Iakob'a mm'aane man te tawaana, ao a ongo te b'ai arei, ao a rawawata ma ni maraki nanoia iai iroun Tekem ngke e taua m'aneia, ao e karaoa te m'akuri n tautau ae bon rangi ni katabuaki n te tua n Iteraera.

Karikani B'aai 34:7 ပူးပေါင်းရင်းမြစ်များ

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

Karikani B'aai 34:6

Ao e nako taman Tekem are Amora ni kawara Iakob'a b'a e na maroroo ma Iakob'a,

Karikani B'aai 34:8

Ao e taku Amora, “Taiaoka b'a I a bon uota ana rongorongo natiu te mm'aane nakon natimi te aine b'a e a rangi n tangiria ni kan mare ma ngaia.

Karikani B'aai 46:7

natina mm'aane, tibuna mm'aane, natina aine, ao tibuna aine.

2.Tamuera 13:21

Ao ngke e ongo Tawita te b'ai are e riki nakon Tam'aa, ao e rangi ni maraki nanona iai. Ma bon akea te b'ai ae e konaa ni karaoia Tawita nakon Amnon i bukina ngke bon ana karimoa, ma e rawa ngkana e na manga rawaawata iai Amnon.

Taian Areru 93:5

Te UEA, a koaua am Taeka n taai nako, ao e koaua ae e tabu am Tembora, n tai nako ao n aki tootoki.

Taeka n Rabakau 7:7

aika a nanobaba man wintoon au auti.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Nakoaia Ibonga 4:13

Ngkana arona b'a ai bon te botannaomata ae Iteraera ae bure n urua ana Tua te UEA teuana n tiaki nanoia,

Nakoaia Ibonga 4:2

b'a e na tuangiia Iteraera ake a bure n urui ana Tua te UEA n tiaki nanoia.

Nakoaia Ibonga 4:27

Ao ngkana bon te aomata n aki akaaka ae bure n urua ana Tua te UEA teuana n tiaki nanona, ao ni bon te tai naba are e ataa iai ana bure anne,

1.I-Korinto 10:8

Ao ti na tai wene ni bure, n ai aroia tem'angina i buakoia ngke a wene ni bure, ao a mate uarebu ma teninga

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

Te Tua-Kaua 22:20

Ma ngkana e koaua ana taeka te m'aane, ao akea te b'ai ni kakoaua i bukin rokona n ataei iroun buuna,

Te Tua-Kaua 22:21

ao e na kairaki te ainenum'a anne nako mataroan ana auti tamana ao e na karebanaaki n taian atiibu ni karokoa matena. E a tia ni karokoa te m'akuri ae kammaira i nanon te kaawa ngke e wenenibure ma te m'aane temanna i m'aain marena, ao kam na riai n kamaunaa te m'akuri ae buakaka aei n tiringa te aine anne.

Te Tua-Kaua 23:17

Kaain Iteraera, bon akea mai buakomi ae na riki b'a ainen matawaan te tembora.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

1.Timoteo 5:13

I rarikin anne, ao a reireiia naba te aro ni kabane tai n aroia ni kawara te auti teuana ma teuana; ao a aki tii kabane tai n aroia anne, ma a bon riki naba b'a taan ua-taeka, ao taani katabetabea te aba, n aroia n tataekini baika aki riai n taekin.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Iakobo 3:10

E oti nako te taetae ni kakab'aia ma ni karereanti naba man te wii ae ti teuana. Tariu, a bon aki riai baikai.

Iotua 7:15

E na kabuokaki te aomata are e reke ni iraei b'aai ake a riai ni kamaunaaki, ao a na kamaunaaki naba ana utu ni ikotaki ma ana b'ai ni kabane, i bukina ngke e a tia ni uota kamamaaeaia Iteraera, ao e a tia naba n urua Au boraraoi ma ngkami.”

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Tani Motiki-taeka 20:6

Bon te b'ai ae aki kakaraoaki te aro aei i aon Iteraera, ngaia are, I a korokorea rab'atana ma ni kanakoi m'akorokorona nako aon Iteraera ni kabutaa.