Karikani B'aai 33:5 - Te B'aib'ara

⁵ Ao e taratara nako Etau, ao e nooriia aine ma ataei, ao e taku, “Ao ai antai aomata aika raom aikai?” Ao e taku Iakob'a, “Bon aikai ataei aika E a tia te Atua n nanoangaai n anganai.”

Karikani B'aai 33:5 ပူးပေါင်းရင်းမြစ်များ

Karikani B'aai 30:2

Ao e un Iakob'a iroun Nei Rakera ao e taku, “I aki kona ni karaoa ana m'akuri te Atua b'a boni Ngaia ae aki anganiko te aki kakariki.”

Karikani B'aai 33:6

Ao i mwiina, a roko buuna ni kewe ma aia ataei, ma ni boobaraaki;

Karikani B'aai 48:9

Ao e taku Ioteb'a, “Ao aikai natiu mm'aane aika E anganai te Atua i Aikubita ikai.” Ao e taku Iakob'a, “Uotiia mai nako iu b'a I aonga ni kakab'aiaia.”

1.Rongorongo 28:5

E a tia ni kakab'aiaai te UEA n anganai natiu m'aane aika a m'aiti, ma E rinea natiu te m'aane ae Toromon b'a e na manga uea imwiiu i aon Iteraera.

Taian Areru 127:3

Boni b'aai n akoi ao n tituaraoi naati mairoun te Atua.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Ebera 2:13

Ao E kangai naba: “N na onimakinna.” Ao E a manga kangai naba, “Noria, Ngai ma ataei aika E anganai te Atua.”

Ruuta 4:13

Ma ngaia are, e anaa Ruuta Boaati nakon mwengana b'a buuna. Ao te Atua E kakab'aiaa neierei, ao e bikoukou ma ni karika natina te m'aane.

1.Tamuera 1:27

b'a E na anganai natiu te m'aane. Ao aei te ataei ni m'aane are I bubuti iai! E a tia n anganai te UEA te b'ai are I bubuti iai.