Karikani B'aai 32:9 - Te B'aib'ara

⁹ Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

Karikani B'aai 32:9 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 31:13

Bon Ngai te Atua are I kaoti nako im i Betaera, are te tabo are ko katea iai te atiibu b'a te kanuringa, ao ko katabua ni kab'aroa te b'a i aona, are ko karaoa iai am berita nako iu. Teirake ngkai, ao naako nakon te aba are ko bungiaki iai.”

Karikani B'aai 31:29

I kona ni karaoa te m'akuri ae kamaamate nakoim, ma E kaoti Atuan tamam nako iu ngke tairiki, ao E kauringai b'a N na aki karaoa te m'akuri teuana ni karawawatako.

Karikani B'aai 31:3

Ao E taku te UEA nako ina, “Naako okira aban tamam ma am koraki. N na bon memena i roum.”

Karikani B'aai 31:42

Ngke tao arona b'a E aki mena i rou Atuan tamau ake Aberaam ao Itaaka, ao ko na boni kanakoai ma te akea. Ma E bon noori au kangaanga te Atua ma au m'akuri ake I a tia ni karaoi, ao ngke e tairiki, ao E tuangko arom aika a kaairua.”

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Karikani B'aai 32:8

Ao e taku n ana iango, “Ngkana e roko Etau ni buakana te moani koraki, ao e na reke aia tai kaain te kauoua ni koraki ni birinako.”

Karikani B'aai 49:25

Bon Atuan tamami ae buokingkami, Te Atua ae Moan te M'aaka ae kakab'aiaingkami N te karau mai eta ao te ran mai aan te aba, Ao taiani kakab'aia aika kao ma ataei aika m'aiti,

2.Rongorongo 20:12

Ko aki katuaaia? Ti bon aki konaa ni kaaitaraa te taanga ni buaka aei ngkana e buakaniira. Ti aki ataia naba b'a tera ae ti nang karaoia—ti buubutiiko am buobuoki.

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

2.Rongorongo 32:20

Ao a bubutiia te UEA Etekia ao te burabeti are Itaia are natin Amoti buokaia,

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Ieremia 32:16

Ao i mwiina, I tataro ni kaangai:

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,