Karikani B'aai 32:29 - Te B'aib'ara

²⁹ Ao e taku Iakob'a, “Tuangai aram ngkai.” Ma e taku teuarei, “E aera ngkai ko tangiria n ataa arau?” Ao i mwiina, e kakab'aia Iakob'a.

Karikani B'aai 32:29 ပူးပေါင်းရင်းမြစ်များ

Karikani B'aai 17:5

Ao e na aki manga atongaki aram b'a Aberam, ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti.

Karikani B'aai 35:10

Ao E taku te Atua nako ina, “Aram ngkoa Iakob'a, ma man te tai aei ao ko nang aranaki b'a Iteraera.” Ma ngaia are, E aranna te Atua b'a Iteraera.

Karikani B'aai 35:9

Ao ngke e oki Iakob'a mai Metobotamia, ao E a manga kaoti riki te Atua nako ina ao E kakab'aia.

1.Uea 18:31

Ao i mwiina, e anai tebwi ma uoua te atiibu ni karaoa iai te baonikarea b'a karinean te UEA. E tei teuana te atiibu i bukin barongan Iteraera ake tebwi ma uoua,

2.Uea 17:34

A bane aomata ni irii aia katei nikawai. Bon akea temanna ae e taromauria te UEA n ti Ngaia, ao rawa ni iri nanon taian tua ao babaaire ake E a tia n anga nakoia ana kariki Iakob'a, are E aranna b'a Iteraera.

1.Rongorongo 1:34

Natin Aberaam te m'aane are Itaaka bon tamaia Etau ao Iakob'a.

Iobi 11:7

Ko kona ni kunea tian ma tokin korakoran, ao m'aakan te Atua?

Taeka n Rabakau 30:4

A tia ni waerake tabeman nako karawa mani manga ruorikaaki? Iai ae e a tia n rawea te ang i nanoni baina? Iai ae e a tia ni batiana taari ke ni kanikinaai taian tia n te aonnaba? Ngkana iai ae ko ataia b'a e a tia ni karaoi baikai, ao anganai araia ao aran natiia.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Warekaia Iteraera 20:14

Ao e kanakoa ana tia uarongorongo Moote man aia tabo are a katei maeka iai i rarikin Kateti, ma ana rongorongo nakon uean Etom. Ao a kaangai, “Bon Iteraera ngaira aika bon ami koraki ni koaua. Ao ti kakoaua b'a ko a bon tia n ongo rongorongon b'aai aika buakaka ake a riki nako ira.

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Te Tua-Kaua 29:29

E a tia ni kaota ana Tua te UEA ae Atuara nakoira, ao ti na riai n ongotaeka iai n taai nako ma kanoara, ma bon iai naba b'aai aika E tuai kaoti nakoira.