Karikani B'aai 32:10 - Te B'aib'ara

¹⁰ Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Karikani B'aai 32:10 ပူးပေါင်းရင်းမြစ်များ

Karikani B'aai 18:27

Ao e a manga taku riki Aberaam, “Ko na kab'ara au bure te UEA ngkana I a manga taetae riki nakoim b'a bon akea boonganau, ao I aki riai n taetae.

Karikani B'aai 24:12

Ao e tataro nakon te Atua ao e taku, “Te UEA, ae Atuan au toka are Aberaam, Ko na kakoroa bukin au waaki n te bong aei, ao kawakina am Berita nakon au toka.

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 30:43

Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.

Karikani B'aai 31:3

Ao E taku te UEA nako ina, “Naako okira aban tamam ma am koraki. N na bon memena i roum.”

Karikani B'aai 32:5

A m'aiti au nanai ni kao, ma au nanai n aati, ma au nanai n tiibu, ma au nanai ni kooti, ao au toro. I kanakoa au bubuti nakoim b'a ko na kab'ara au bure.”

Karikani B'aai 32:7

Ao e maaku Iakob'a ma n raraoma. E bwenauaia ana aomata ake i rouna nakon uakoraki, ao ai uana naba ma ana nanai n tiibu, ma kooti, ma kaao, ao taian kamero.

2.Tamuera 17:24

E nako Tawita nakon te kaawa are Maanaim, ao e ri aon te Karaanga are te Ioretan Abetarom ma ana taanga ni buaka Iteraera.

2.Tamuera 7:18

Ao e nako Tawita n rin n te autinrianna are e a tia ni kateia i bukin te Atiniberita. Ao i mwiina, e tekateka ikekei n tataro ni kaangai: Te UEA ae Moan te M'aaka, e bon riai n aki reke nako iu ma au utu te b'ai ae Ko a tia ni karaoia nakoira,

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Iobi 8:7

Kaub'aim ni kabane ake a tia ni bua a na bon aki kona ni kabotauaki ma kaub'aim akana E na anganiko te Atua n taai aika na roko.

Taian Areru 16:2

I taku nakon te UEA, “Bon tii Ngkoe au UEA! B'aai ni kabane aika reke irou bon am b'aintangira nako iu.”

Taian Areru 18:35

Boni Ngkoe otangau ao au Tia kamaiu; I a riki ni kakannato i bukin am Buobuoki nako iu; Ao I kawakinaki man te kabuanib'ai ni m'aakam.

Taian Areru 61:7

E bia tautaeka n aki toki i aan am Kairiiri, te Atua; Ao iriani maiuna bon am Atataiaomata ma am Kakaonimaki.

Taian Areru 8:5

Ko kamangoria riki nakoim; ao Ko bauniia n te mimitong ma te karineaki.

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Ruka 17:10

Ao ngkami naba, ngkana kam a tia ni karaoi baike kam tuangaki, ao kam na kangai, “Tooro ngaira aika akea manera; ti karaoa ti are ara m'akuri.”

Ruka 5:8

Ngke e nora aron aei Timon Betero, ao e b'aka ni bobaraaki i rarikini waen Iesu, ao e taku, “Te Uea, naako mai rou, b'a te aomata ae I buakaka ngai!”

2.I-Korinto 12:11

I a tia n riki ni baba. Ao kam karika aei nako iu. I bon riai ni kamoamoaki i roumi. B'a I bon aki mangori riki nakoia taan tuatua ake kam atongiia b'a akea n ai aroia, e boni ngae ngke akea bonganau.

Te Tua-Kaua 8:18

Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”