Karikani B'aai 31:3 - Te B'aib'ara

³ Ao E taku te UEA nako ina, “Naako okira aban tamam ma am koraki. N na bon memena i roum.”

Karikani B'aai 31:3 ပူးပေါင်းရင်းမြစ်များ

Karikani B'aai 13:15

N nang anganiko ma kanoam aaba ni kabane ane ko nooria, ao a na riki b'a am b'ai n aki toki.

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 28:13

Ao e tei te UEA i rarikina, ao E taku, “Boni Ngai te UEA, are Atuan Aberaam, ao Itaaka. N na anganiko ma am kariki te aba aei ae ko wene iai.

Karikani B'aai 28:15

Uringnga b'a N na bon kakawakiniko n taabo nako ike ko nako iai, ao N na manga kaokiko nakon te aba aei. N na bon aki kitaniko ni karokoa I tia ni karaoi b'ai ni kabane ake I a tia ni berita iai.”

Karikani B'aai 28:4

E bia kakab'aiako n arona naba ngke E kakab'aiaa Aberaam, ao ko na b'aina te aba aei, ae ko a tia ni maeka iai, ae E a tia n anga te Atua nakon Aberaam.”

Karikani B'aai 30:25

Ao i mwiin bungiakin Ioteb'a, ao e taku Iakob'a nakon Raab'an, “Ko nang kainaomataai, b'a I aonga n okira mwengau.

Karikani B'aai 31:13

Bon Ngai te Atua are I kaoti nako im i Betaera, are te tabo are ko katea iai te atiibu b'a te kanuringa, ao ko katabua ni kab'aroa te b'a i aona, are ko karaoa iai am berita nako iu. Teirake ngkai, ao naako nakon te aba are ko bungiaki iai.”

Karikani B'aai 31:18

ao e karimoaia ana nanai ni man ri moana, n reitaki naba ma b'aai ni kabane ake a reke i rouna i Metobotamia.

Karikani B'aai 31:2

E nooria Iakob'a b'a e aki raoiroi aron Raab'an n aron are mai m'aaina.

Karikani B'aai 31:4

Ma ngaia are, e kanakoa ana taeka Iakob'a nakoia Nei Rakera ma Nei Reea b'a a na kawaria n te tawaana are a mena iai ana nanai ni man.

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

Karikani B'aai 32:5

A m'aiti au nanai ni kao, ma au nanai n aati, ma au nanai n tiibu, ma au nanai ni kooti, ao au toro. I kanakoa au bubuti nakoim b'a ko na kab'ara au bure.”

Karikani B'aai 32:9

Ao e tataro Iakob'a ao e taku, “Atuan tibuu are Aberaam, ao Atuan tamau are Itaaka, ongora irou. Ko tuangai te UEA b'a N na nako n okira abau nakoia au koraki, ao Ko na kanakoraoi b'aai ni kabane i buku.

Karikani B'aai 35:1

Ao e taku te Atua nakon Iakob'a, “Kawaekoako n nako Betaera, ao maeka iai. Ko na karaoa te baonikarea ikekei i buku, Ngai ae te Atua are I kaoti ngkoa nako im ngke ko birinako mairoun tarim are Etau.”

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Karikani B'aai 50:24

Ao e taku nako ia tarina, “E a kaan mateu, ma E na boni kaawakiningkami te Atua ma ni kairingkami ni kaotinakoingkami man te aba aei nakon te aba are E a tia ni berita iai nakon Aberaam, Itaaka, ao Iakob'a.”

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 90:15

Ko na kabati kukureira n ai aroni m'aitin ara tai n nanokawaki n ririkini maiura ake ti karawaawataaki iai.

Te Otinako 3:12

Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”