Karikani B'aai 31:1 - Te B'aib'ara

¹ E ongo Iakob'a aia taeka natin Raab'an mm'aane ae e kaangai; “Iakob'a e anai ana b'ai ni kabane tamara. E karekei kaub'aina man ana b'ai tamara.”

Karikani B'aai 31:1 ပူးပေါင်းရင်းမြစ်များ

Karikani B'aai 30:43

Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.

Karikani B'aai 31:2

E nooria Iakob'a b'a e aki raoiroi aron Raab'an n aron are mai m'aaina.

Karikani B'aai 31:43

Ao e taku Raab'an nakon Iakob'a, “Bon natiu aine aikai; ao bon tibuu natiia, ao nanai ni man aikai bon au nanai. Ni koauana, ao bon au b'ai ni kabane aika ko noori aikai. Ma ai bon akea ngkai te b'ai ae I kona ni karaoia nako ia natiu aine aikai ma tibuu aikai.

Karikani B'aai 45:13

ao kam na tuanga tamau aroni m'aakau i aon Aikubita, ao tuangnga b'aai ni kabane aika kam a tia n noori. Ao i mwiina, kawaekoai ngkami ni kairaa mai tamami.’ ”

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Taian Areru 17:14

Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Taeka n Rabakau 14:30

Ko na marurung raoi ngkana e rau nanom, e konaa ni kaningkami te aki rau n nano.

Taeka n Rabakau 27:4

E kamaamate te aomata ae e un, ma e a rangi ni kamaamate riki te aomata ae e babakantang.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Itaia 5:14

E a tia ni kabanea uren wiina abaia maate ao e a bora n tataningaia taani kairiiri mai Ierutarem ma aia botannaomata aika a kakarongoa, ai moaraara riki koraki ake a kamoamoaaki n te kaawa are e buubura arei.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Etekiera 16:44

Ana tataekina te taeka ae e kaangai aomata i bukim ngkoe ae Ierutarem: “Ngkana e buakaka te tina ao e na bon buakaka naba natina te aine.”

Mataio 4:8

Ao e a manga kairia te riaboro nakon te maunga ae moan te rietaata, ao e kaoti nako Ina aaba ni kabane ma tamaroaia;

1.Timoteo 6:4

ao bon te aomata ngaia ae kainikatonga ao e nano roo. E babaeakina te kan tititiraki ma te kauntaeka, aika e riki mai iai te bakantang, ma te unra, ma taetaebuaka, ma iango ni katautau aika aki raraoi,

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 1:24

B'a e kaangai te B'aib'ara: “Kanga te uteute aomata ni kabaneia, ao tamaroaia ni bane kanga ai aron ueen te uteute. E rai te uteute, ao e b'aka te uee,