Karikani B'aai 30:20 - Te B'aib'ara

²⁰ Ao e taku, “E a tia n anganai te Atua te b'ai n tangira ae tamaroa. Ao ngkai e na m'annanoai buu b'a I a tia ni karekeia natina mm'aane aika onoman.” Ma ngaia are, e arana natina arei b'a Teburun.

Karikani B'aai 30:20 ပူးပေါင်းရင်းမြစ်များ

Karikani B'aai 29:34

Ao e a manga bikoukou naba, ao e a manga bungiia riki te nati te mm'aane temanna. Ao e taku, “E nang nimtai riki buu, b'a I a tia ni bungiia natina mm'aane aika teniman.” Ma ngaia are, e aranna b'a Rewi.

Karikani B'aai 30:15

Ao e taku Nei Reea, “E tuai man toki nanom? Ko a tia ni uota nako buu, ao ngkai ko nangi manga anaa ana manrureke natiu?” Ao e taku Nei Rakera, “Ngkana ko anganai ana manrureke natim, ao ko na matu ma Iakob'a nakon te tairiki.”

Karikani B'aai 30:19

Ao e a manga bikoukou naba Nei Reea, ao e bungiia ana kaonoman n nati mm'aane ma Iakob'a.

Karikani B'aai 30:21

Ao rimwi riki, ao e bungiia te nati te aine, ao e aranna b'a Nei Rina.

Karikani B'aai 34:12

Tuangai b'a tera te b'ai n tangira ae kam tangiria, ao bairea boon ami ataei n aine ni kaboobuaka n aron boona ane kam bon taku; N na anganingkami te b'ai ae kam bubuti iai ngkana kam kariaia b'a n na iein ma ngaia.”

Karikani B'aai 35:23

Natin Nei Reea mm'aane bon: Reuben (ana karimoa), Timeon, Rewi, Itaakara, ao Teburun.

Karikani B'aai 46:14

Teburun ma natina mm'aane ake: Tereta, Eron, ao Iareera.

Karikani B'aai 49:13

“E na maeka Teburun i rarikin taari. E na riki mataniwin taari are i abana b'a aia matabaiawa kaibuke. E na rokoroko tian abana i Titon.

Taian Areru 68:27

A roko moa kaain te baronga are Beniamin, are te kabanea n uarereke; ao i mwiia, mataniwi n te baronga are Iuta ma aia koraki, ao a raonaki irouia aia mataniwi kaai te baronga are Teburun ma Nabetari.

Te Otinako 22:17

Ma ngkana arona b'a e rawa taman te aine ni marea natina te aine ma te mm'aane anne, e na bon kab'akaaki naba boona.

Mataio 4:13

E kitana Natareta, ao E nako ni maeka i Kaberenaum are mena i rarikin te nama, n taabo ake abaia baronga ake Teburun ma Nabetari,

Tani Motiki-taeka 4:10

ike e botiia iai aia taanga ni buaka Teburun ma Nabetari aika 10,000, ao e kairiia B'araka nako Keteti. Ao e iri naba Nei Tebora.

Tani Motiki-taeka 5:14

A roko taanga ni buaka mai Eberaim n te tabo ike a maeka iai ngkoa kaain Amareka. Ao a roko tabeman man Beniamin; a roko taian aobitia ma taani kairiiri mai Makira ao Teburun

1.Tamuera 18:25

Ao e kantaningaia Tauro b'a e na bon mate Tawita irouia kaain Biritia, ao e tuanga ana aobitia b'a a na kaangai nakon Tawita, “E aki tangira te koora ma te tirewa te uea. Te b'ai ae ti tangiria b'a e na boo mwiin aia m'akuri ara kairiribai. Ti te b'ai ae ko na karaoia, ko na uota te b'ai ni kakoaua b'a ko a tia n tiringiia tebubua kaain Biritia!”