Karikani B'aai 3:5 - Te B'aib'ara

⁵ b'a E ataia te Atua b'a ngkana kam kanna, ao kam na riki n ai arona, ao kam na ataa iai te raoiroi ma te buakaka; ao bon anne bukina are E katabua iai kanakina i roumi.”

Karikani B'aai 3:5 ပူးပေါင်းရင်းမြစ်များ

Karikani B'aai 2:17

ma ti te aroka are e anga ataan te raoiroi ma te buakaka ae ko na aki kana uaana, ao ngkana ko kanna, ao ko na mate naba n te bong anne.”

Karikani B'aai 2:9

Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Karikani B'aai 3:10

Ao e taku teuarei, “I ongo m'akaikaim i nanon te nnenaroka, ao I maaku, ao I karabaai mai Roum i bukina ngke I bebeekan.”

Karikani B'aai 3:22

Ao E taku te UEA ae te Atua, “A riki aomata aikai b'a katotongara, ao e a reke i rouia te wanawana n ataa te raoiroi ma te buakaka; a riai n aki manga kariaiakaki ni kana uaan te kai are e anga te maiu, b'a a na aki maiu n taai nako.”

Karikani B'aai 3:7

Ni bon te tai naba are a kanna iai, ao e a reke i rouia te wanawana, ao a tib'a ataia ae a bebeekan. Ma ngaia are, a itutui baan kaai aika biiku, ao a karabaniia iai.

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

2.Rongorongo 32:15

Kam na aki kananobabaaki iroun Etekia! Bon akea antiia botannaomata aika a konaa ni kaaitaraa Aturia. Kam na kakoauaai, e bon aki konaa naba Atuami ni kamaiungkami!

Taian Areru 12:4

“Ti kareke baika ti tangiri man rabakaura n taetae. Taan taetae ngaira aika ti b'aakuaku, ao akea i aora.”

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Te Otinako 5:2

Ao e kaeka te uea ni kaangai, “Antai te UEA aei, ao bukin tera ngkai N na ongotaeka i Rouna? I rawa ni kanakoi ngkami ma ami aomata!”

Itaia 14:14

N na mena i aon taian nang, n aron te Atua ae Moan te Rietaata.”

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Etekiera 28:12

Etekiera ae natin te aomata, ko na anenea te kuna ni mate i bukin uean Turo ao ko na tuangnga au taeka ae e kaangai: N te tai teuana, ko rangi n raoiroi, rabakau, ao ko rangi n taraa raoi.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Etekiera 28:9

Ko na bon teimatoa naba n taekinna b'a te atua ngkoe ngkana ko aitara ma aiam? A na buakaniko, ao ko na maraki kaanga aroia aomata tabem'aang.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 6:7

A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Mataio 6:23

ma ngkana e buakaka matam, ao e na buta rab'atam ni kabanea n te roo. Ao ngkana bon te roo naba te oota i nanom, ao ai bati ra te roo!

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 13:4

Ao a bane n taromauria te rakon i bukina ngke e anga te m'aaka n tautaeka nakon te man are tiritiri; ao a taromauria naba te man are tiritiri, ao a kaangai, “Ai antai ae ai aron te man ae tiritiri aei? Ao antai ae kona te buakanna?”