Karikani B'aai 3:4 - Te B'aib'ara

⁴ Ao e kaeka te naeta ni kaangai, “Bon te kaairua anne; kam na bon aki mate

Karikani B'aai 3:4 ပူးပေါင်းရင်းမြစ်များ

Karikani B'aai 3:13

Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

Karikani B'aai 3:3

ma ti uaan te kai are i nuuka ae ti na aki kanna. E tuangiira te Atua b'a ti na aki kana uaana, ke n taua; ti na boni mate ngkana ti kanna.”

2.Uea 1:16

Ao ngke e roko Eria ao e tuanga Aatia ni kaangai, “E kan ataia te UEA b'a bukin tera ngkai ko kanakoia am taan uarongorongo nako Ekiron b'a e na titirakina atuaia are Beretebub'a i bukin ikoakim. Ko aki kakoauaa ae iai te Atua i aon Iteraera? Aatia, ngkai ko kanakoia am taani uarongorongo akanne, ao e taku te Atua b'a e na aki reke marurungim. Ko nangi mate”.

2.Uea 1:4

Ko na tuangnga b'a ngkai e a tia ni karaoa aei, ao e nang reitinako wenena i aoni nnena ni matu ni karokoa matena! Ao e karaoi b'aai ake e tuangaki Eria.

2.Uea 1:6

Ao a taku, B'a iai te m'aane ae ti kaaitibo ma ngaia i aoni kawaira ma te rongorongo nakoim mairoun te UEA. E kan ataia te UEA b'a bukin tera ngkai ko kanakoira b'a ti na kawara Baretebub'a i bukin ikoakim, ao e aera naba ngkai ko aki kakoauaa ae iai te Atua i aon Iteraera. E bon tuangiira naba te m'aane arei b'a E taku te UEA b'a ko nang mate.

2.Uea 8:10

Ao e taku Eritai nakon Ataera, “Tuangnga b'a e na marurung, ma E taku te UEA b'a e na boni mate Benatata.

2.Rongorongo 18:21

“N na karaoia ana burabeti Aaba b'a a na manga boni kewea Aaba.” Ao e taku te UEA, “E raoiroi! Naako ngkai ao karaoa anne, E na bon nakoraoi am m'akuri anne.”

Taian Areru 10:11

E taku n ana iango, “E matakii te Atua! E aki kona n noorai.”

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.

1.Timoteo 2:14

ao e aki m'am'anaki Atam, ma e m'am'anaki te aine, ao e riki b'a te tia ri aon ana tua te Atua.