Karikani B'aai 3:19 - Te B'aib'ara

¹⁹ A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Karikani B'aai 3:19 ပူးပေါင်းရင်းမြစ်များ

Karikani B'aai 18:27

Ao e a manga taku riki Aberaam, “Ko na kab'ara au bure te UEA ngkana I a manga taetae riki nakoim b'a bon akea boonganau, ao I aki riai n taetae.

Karikani B'aai 2:7

Ao E buatii taian tano tabeua te UEA ae te Atua man tanon aonnaba, ao E karaoa te mm'aane mai iai; ao E uka te ikeike ni maiu nako b'angab'angan b'airina, ao e a maiu te mm'aane arei.

Karikani B'aai 23:4

“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”

Karikani B'aai 3:18

A na kaona am nne n aroka taian uteute ma kaai aika a kateketeke, ao ane ko na am'am'arake man arokan te tawaana, ae aroka aika te naa n rikinibeti.

Karikani B'aai 5:5

ao e mate ngke ai 930 ana ririki ni maiu.

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 10:9

Uringnga b'a Ko bon karaoai man te bokaboka, ao Ko nang manga urua rab'atau ni kaokia nakon te tano?

Iobi 19:26

E ngae ngke e a tia kuniu aei ni kanaki n te aoraki ma N na bon noora naba te Atua i nanon rab'atau aei.

Iobi 21:26

Ma ti te arona mateia aomata nako, a na bane n onrake n taian ino.

Iobi 34:15

ao a na bane ni mate aika maiu ma ni manga oneaki rab'ataia ni manga okira te tano.

Iobi 4:19

A karaoaki aomata man te bokaboka ao a maraurau kanga mannikiba aika uarereke, Tera am iango?

Taian Areru 103:14

E atai aroni karikara; E ataira ae bon te bubu n tano ngaira.

Taian Areru 104:23

Ao a nako ngkanne aomata ni karaoi aia m'akuri; ao a m'akuri ni kabongnga.

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Taian Areru 22:15

E bane korakorau kanga ai aron aontano ae m'auteretere; ao e nimta ngangarakeu neweu, Ao ko kaweneai n te ruanimate.

Taian Areru 22:29

Ane a na bane akana marika i aonnaba n am'am'arake ma n taromauri; ane a na bane ni bobaraaki i matana akana nangi mate, akana i aoni kawaia nakon te ruanimate.

Taian Areru 90:3

Ko tuanga te aomata b'a e na oki nakon arona are ngkoa; Ko onikia nakoni bubun te tano.

Taeka n Rabakau 21:16

Ngkana kam katoka kamanenaan ami iangoraoi, ao kam na kuneingkami i nanon te ruanimate.

Te Minita 1:13

Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.

Te Minita 1:3

Tera ae ti na kaotia ikekei ni mwiin ara m'akuri korakora i aon te aba aei?

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Te Minita 3:20

A bane n nako b'aai aika a maiu nakon te tabo ae ti teuana. Ti riki man te tano, ao ti na manga okira te tano.

Te Minita 5:15

A roko nakon te aonnaba ni bebeekan, a na mate, ao a na bebeekan naba. Bon akea te b'ai ae a konaa ni uotia nako, ao akea naba te b'ai ae a na konaa ni kaotia i bukin aia m'akuri ni kabane.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

2.I-Tetaronike 3:10

B'a ngke ti mena i roumi, ao ti tuangngkami ae kangai, “Ngkana e aki kani m'akuri temanna, ao ke e tai am'arake.”

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;