Karikani B'aai 3:17 - Te B'aib'ara

¹⁷ Ao E a manga taku nakon teuarei, “Ao ngkoe ngkai ko ongo b'anaan buum ni kana naba te uaanikai are I a tia n tuangko b'a ko na aki kanna, ao ngkai, N na katekebuaka te tano. Ane ko na m'akuri korakora ni kabane bongin maium n riribanaa te tano i bukin karekean kanam.

Karikani B'aai 3:17 ပူးပေါင်းရင်းမြစ်များ

Karikani B'aai 3:11

Ao E titirakinna te Atua ni kaangai, “Antai ae e tuangko b'a ko bebeekan? Ko a tia ni kana uaan te kai are I tuangko b'a ko na aki kanna?”

Karikani B'aai 3:18

A na kaona am nne n aroka taian uteute ma kaai aika a kateketeke, ao ane ko na am'am'arake man arokan te tawaana, ae aroka aika te naa n rikinibeti.

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 5:29

ao e taku, “Ni moa man te tai are E katekebuaka iai te tano te Atua ni karokoa te tai aei, ao a nang toki rawaawatau man au m'akuri iroun te tei aei.”

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 21:17

E koaua b'a e na aki mamate ana taura te aomata ae buakaka? E koaua b'a bon akea temanna mai buakoia ae na aki bo ma te kangaanga? E koaua b'a e na aki orea te aomata ae buakaka te Atua ni kamarakin nanona,

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Te Minita 2:17

Bon aio te b'ai ae I ribaa iai te maiu. A bane ni kammaraki b'aai nako aika ti karaoi, bon te iango ae akea nanona b'a kaanga ti kakiokioan te ang.

Te Minita 5:17

I rarikin aikai, ao a aki toki n am'aam'arake n te roo, a aki rau, a aoraki ao a un.

Mataio 22:12

ao e taku nako ina, Raou, ko aera ngkai ko rin ikai n aki b'aina te kunnikai ni baka? Ao akea ana kaeka teuarei.

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

Ruka 19:22

Ao ngaia e taku nako ina, “Te toro ae ko buakaka!” “N na kabuakakako man am taeka akana nako mai wiim! Ko ataia b'a te aomata ngai ae I matoatoa b'a I kareke au b'ai mani mwin aia m'akuri aomata ao I boboti uaa n taabo aika I aki ununiki iai.

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.