Karikani B'aai 3:16 - Te B'aib'ara

¹⁶ Ao E a manga taku nakon neierei, “N na kabatiai am kaangaanga n am tai ni bikoukou, ao te maraki n am tai ni bungiia natim. Ao ane e na aki tootoki nanom iroun teuane buum, ao e na taua taekam.”

Karikani B'aai 3:16 ပူးပေါင်းရင်းမြစ်များ

Karikani B'aai 4:7

Tiaki ko na boni kukurei ngke ko boni karaoa ae e raoiroi? Ma i bukina ngke ko a tia ni karaoa ae buakaka, ao e aoraia te bure i matan am mataroa. E kan tautaekaniko, ma ko riai n tokanikai i aona.”

1.Rongorongo 4:9

Iabeti bon te m'aane are e reke arana i bukin te maraki are e reke iroun tinana ngke e ariri ni maraki ni bungina. Ma bon te nati naba ngaia ae e rangi n onimakinaki n ana utu.

Etita 1:20

Ngkana e tanoata anne ni kabutaa te tautaeka ae buubura aei ni kabane, ao ane a na bane aine ni karaoa ae e raoiroi nakoia buuia, e ngae ngkana a kaub'ai ke a aki kaub'ai buuia.

Taian Areru 48:6

A taonaki n te maaku ae korakora, kanga ai aroia aine aika nangi bung;

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 49:24

Ngkami aika kaain Tamateko e a tia ni bua ninikoriami, ao kam na rairaki n iakaka ni biri nako, ma n tauaki n te maaku ao te maraki.

Ieremia 6:24

Ao a taku aomata, “Ngkana ti ongo taekaia ao ti a ruru naba ni maaku, ao ti minomino ni maraki kaanga te aine ae e bungiia natina.”

Warekaia Iteraera 30:13

E mena iroun buuna taekan ana berita ni kabane ake e karaoi nakon te UEA.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

1.I-Korinto 11:3

Ma I tangiringkami b'a kam na ataia b'a atun te mm'aane boni Kristo, ao atun te aine bon te mm'aane, ao atuuni Kristo bon te Atua.

1.I-Korinto 14:34

a na tai taetae aine n te botaki n ekaretia nako; b'a e aki kariaiakaki b'a a na taetae; ma a na tauaki aroia, n ai aron taekana naba n te Tua.

1.I-Korinto 7:4

B'a e aki tautaeka te aine i aon rab'atana, ma e tautaeka buuna; ao ai aron naba te mm'aane: b'a e aki tautaeka i aon rab'atana, ma e tautaeka buuna.

I-Korote 3:18

Ainenum'a, kam na aantaeka irouia buumi, b'a anne te aro ae riai ngkai kam reitaki ma te UEA.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.

1.Timoteo 2:13

B'a e karaoaki moa Atam, ao rimwi Ewa;

1.Timoteo 2:15

Ma e na kamaiuaki ni bungian natina, ngkana e teimatoa i nanon te onimaki ma te tangira, ao ni b'aina te maiu ae itiaki ma n nanowanawana.

Tito 2:5

a na iango raoi, a na itiaki, a na m'am'akuri ni mwengaia, a na raoiroi aroia nakoia aomata, ao a na aantaeka irouia oini buia, b'a e kawa ni kabuakakaki ana taeka te Atua.