Karikani B'aai 3:13 - Te B'aib'ara

¹³ Ao E a manga titirakina neierei te UEA ae te Atua ni kaangai, “E aera ngkai ko karaoa aei?” Ao e kaeka neierei ni kaangai, “E kam'aneai te naeta b'a N na kanna.”

Karikani B'aai 3:13 ပူးပေါင်းရင်းမြစ်များ

Karikani B'aai 12:18

Ma ngaia are, e kananako wetean Aberam te uea, ao e taku nako ina, “Tera ae ko kataia ni karaoia nako iu? E aera ngke ko aki tuangai b'a ngaia boni buum neiei?

Karikani B'aai 44:15

Ao e taku Ioteb'a nako ia, “Tera ngkai ae kam a karaoia? Kam bon aki ataia b'a I kona ni kuneingkami n te kaiwa?”

2.Tamuera 3:24

Ao e nako Ioaba ni kawara Tawita ao e taku, “Tera ngkai ae ko karaoia? E roko Abenera nakoim, ao ko kariaia b'a e na nako. Ao ngkai e a maan n nako!

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

Nakoaia Ibonga 12:5

Ao ngkana e bungia te nati te aine, ao e na tiku ni kam'araa te aine i nanon te bwi ma aua te bong i mwiin bungina, n ai aron naba are n ana tai n aoraki n aine. Ao i mwiin anne, ao e na manga tiku ni kaitiakia riki i nanon onobwi ma onoua te bong, ni kaitiakia raoi i mwiin nakon raraana.

Iona 1:10

Ao e kaotia naba Iona b'a e birinako mairoun te UEA. Ao a maaku kaimoa ao a taku nakoina, “Ai kakamaakura te b'ai ae ko karaoia!”

Ioane 18:35

E kaeka Birato ao e taku, “Te I-Iutaia ngai? Bon oin am reeti n aomata ma ibonga ake mataniwi aika anga Ngkoe nako iu; tera ae Ko a tia ni karaoia?”

I-Rom 7:11

B'a te bure, ngke e reke ana tai, ao e burebureai n taekan te Tua, ao e kamateai iai.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

1.Timoteo 2:14

ao e aki m'am'anaki Atam, ma e m'am'anaki te aine, ao e riki b'a te tia ri aon ana tua te Atua.

1.Tamuera 13:11

Ao e taku Tamuera, “Tera ngkai ae ko a tia ni karaoia?” Ao e taku Tauro, “B'a a bane ni uamaaenako au tautia, ao ko aki roko n aron are kantaningaaki. Ao a bootaki kaain Biritia i Mikemati,

1.Tamuera 15:15

Ao e kab'arab'ara Tauro ni kaangai, “A anaia tautia mairouia kaain Amareka. A kaawakin taian tiibu ma kaao ake kabanean tamaroa, b'a aonga n anga b'a aia karea nakon te UEA ae Atuam. Ma ti kamaunai b'aai ni kabane.”