Karikani B'aai 29:2 - Te B'aib'ara

² Ao n te bong teuana, ao e a roko Iakob'a n te m'anib'a teuana ae mena i nukan te tawaana, ike a kakamooia iai aia nanai n tiibu taan kaawakin tiibu. Bon iai tenua taian nanai n tiibu aika wene i rarikin te m'anib'a arei, ao e rabunaki matan te m'anib'a arei n te atiibu ae buubura.

Karikani B'aai 29:2 ပူးပေါင်းရင်းမြစ်များ

Karikani B'aai 24:10

Ao e anaa tengaun ana kamero Aberaam te toro are e tararuai ana b'ai Aberaam, ao e nakon te kaawa ae buubura are maeka iai ngkoa Naora are i Metobotamia meang.

Karikani B'aai 24:11

Ao ngke e a roko, ao e kamotirawaia ana kamero i rarikin te m'anib'a are i tinanikun te kaawa are buubura arei. E a bon b'aka taai n te tai arei, ao bon te tai are a itiiti ran iai aine.

Karikani B'aai 24:13

I a mena ngkai i rarikin te m'anib'a are a na roko iai aine n itiran.

Karikani B'aai 29:3

Ngkana a bane n roko taian tiibu ikekei, ao a kam'ainga te atiibu are rabunan matan te m'anib'a taan kawakin tiibu ma ni kamooia aia nanai n tiibu, ao a manga kaoka matan te m'anib'a ngkana a tia.

Taian Areru 23:2

E kakamotirawaai n taabo aika a maiureirei aoia. E kairiirai nako rarikin neei aika rau raniia.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 4:6

E mena ikekei ana m'anib'a Iakob'a, ao E a kua Iesu imwiin nakonakona, ma ngaia are E tekateka i etan te m'anib'a arei. Tao e a tawanou.

Te Kaotioti 7:17

ao te Tiibuteteei are i nanoaan te kaintokanuea, E na kawakinia n ai aron te tia kawakin-tiibu, ao E na kairiia nakoni koburaken raan aika kamaiu; ao te Atua E na kaoi rannimataia ni kabane mai mataia.”

Tani Motiki-taeka 5:11

Ao ngkami naba aika taani uouoti taian ran a na tuangko taiani man aika kawakawa ni kaangai, “E a tia te UEA n reke i rouna taian tokanikai, ao ai aroia naba Iteraera.” Ao i mwiina, a m'aati ana aomata te UEA rikaaki nakoni mataroan te kaawa