Karikani B'aai 29:1 - Te B'aib'ara

¹ Ao e toua nako kawaina Iakob'a nakon aba ake i mainiku.

Karikani B'aai 29:1 ပူးပေါင်းရင်းမြစ်များ

Karikani B'aai 24:10

Ao e anaa tengaun ana kamero Aberaam te toro are e tararuai ana b'ai Aberaam, ao e nakon te kaawa ae buubura are maeka iai ngkoa Naora are i Metobotamia meang.

Karikani B'aai 25:20

Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an.

Karikani B'aai 25:6

Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.

Karikani B'aai 35:1

Ao e taku te Atua nakon Iakob'a, “Kawaekoako n nako Betaera, ao maeka iai. Ko na karaoa te baonikarea ikekei i buku, Ngai ae te Atua are I kaoti ngkoa nako im ngke ko birinako mairoun tarim are Etau.”

Karikani B'aai 35:7

Ao e karaoa te baonikarea ikekei, ao e aranna b'a “Atuan Betaera,” i bukina ngke E kaoti te Atua nakoina ikekei ngke e birinako mairoun tarina.

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

Taian Areru 119:60

I kawaetataai, ao I aki iremwe, n tou mwin am Tua.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Otea 12:12

E biri nako Iakob'a nako Turia ike e kaawakina te tiibu iai i bukin karekean buuna.

Warekaia Iteraera 23:7

Ao e taku B'araam: E kairai te uea are B'araka are ueani Moaba man tabukin Tiria b'a n na katekebuakaia Iteraera ma ni katanoata b'akana.

Tani Motiki-taeka 6:3

Ni katoa te tai are a ribanai arokaia iai Iteraera, ao a aki toki n roko kaain Miiria ni buakaniia ma kaain Amareka ao botannaomata ake i mainiku.

Tani Motiki-taeka 6:33

Ao a bane ni bootaki kaain Miiria, Amareka, ao botannaomata ake i mainiku, ao a ri nanon te Karaanga are te Ioretan. Ao i mwiina, a buakana abaia Iteraera, ao a katea aia maeka n te M'arua are Ietireera.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.

Tani Motiki-taeka 8:10

A mena Teba ma Taremunna i Karekora aika a mena iai 15,000 tautia. Bon nikiraia taangan tautian mainiku, b'a a tia ni mate 120,000 tautiana n te buaka.