Karikani B'aai 28:22 - Te B'aib'ara

²² E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 28:22 ပူးပေါင်းရင်းမြစ်များ

Karikani B'aai 12:8

Ao i mwiin anne, ao e a manga m'ananga nako aiaki nakon te aba are tabukibuki are i mainikun te kaawa ae buubura are Betaera, ao e katea ana maeka i marenan Betaera are i maeao ma Ai are i mainiku. E katea naba ikanne ana baonikarea, ao E taromauriia te UEA.

Karikani B'aai 14:20

E na neboaki te Atua ae Moan te Rietaata are E anganiko te tokanikai i aoia am kairiribai.” Ao Aberam e angan Merekitereka teuana te katebwina man b'aai ake e uoti rikaaki man te buaka.

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Karikani B'aai 28:17

Ao e maaku, ao e taku, “Ai kakamaaku ra te tabo aei! Bon Ana auti te Atua te tabo aei; bon te mataroa nako karawa.”

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Karikani B'aai 35:1

Ao e taku te Atua nakon Iakob'a, “Kawaekoako n nako Betaera, ao maeka iai. Ko na karaoa te baonikarea ikekei i buku, Ngai ae te Atua are I kaoti ngkoa nako im ngke ko birinako mairoun tarim are Etau.”

Karikani B'aai 35:7

Ao e karaoa te baonikarea ikekei, ao e aranna b'a “Atuan Betaera,” i bukina ngke E kaoti te Atua nakoina ikekei ngke e birinako mairoun tarina.

Karikani B'aai 47:24

Ao ngkana e roko tain te tai, ao kam na anga kanimam'akoron ami tai nakon te uea, ao kam kona ni kabongana nikiran ami ati, b'a kanami ma ami utu.”

Karikani B'aai 47:26

Ma ngaia are, e karaoa tuan te aba are Aikubita Ioteb'a ae e na b'aini kanimam'akoron taian tai te uea.” Ao e boni b'ainaki naba ni boong aikai te tua aei. Bon ti abaia ibonga ae aki b'ainna te uea.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.