Karikani B'aai 28:18 - Te B'aib'ara

¹⁸ Ao e uti m'aaka Iakob'a n te ingabong are i mwiina, ao e anaa te atiibu are e uninganna, ao e kateia b'a te kanuringa. Ao e kab'aroa b'aan te oriwa i aona ma ni katabua nakon te Atua.

Karikani B'aai 28:18 ပူးပေါင်းရင်းမြစ်များ

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

Karikani B'aai 28:11

Ao e roko n te tabo ae tabu ngke e a b'aka taai, ao e maeka ikekei. Ao e wene b'a e nang matu, ao e uninga te atiibu.

Karikani B'aai 31:13

Bon Ngai te Atua are I kaoti nako im i Betaera, are te tabo are ko katea iai te atiibu b'a te kanuringa, ao ko katabua ni kab'aroa te b'a i aona, are ko karaoa iai am berita nako iu. Teirake ngkai, ao naako nakon te aba are ko bungiaki iai.”

Karikani B'aai 31:45

Ma ngaia are, ngke e reke ana atiibu Iakob'a, ao e a kateia b'a te kanuringa.

Karikani B'aai 35:14

Ao e a katea te atibu ae te kanuringa Iakob'a ikekei n te tabo are E taetae iai te Atua nako ina, ao e katabua te atiibu arei ni kab'aroa te wain ma b'aan te oriwa i aona.

Karikani B'aai 35:20

Ao e katea te atiibu ae te kanuringa Iakob'a ikekei, are e riki b'a kanikinaean ruanimaten Nei Rakera ni karokoa te bong aei.

2.Tamuera 18:18

Ngke e bon maiu ngkoa Abetarom ao E a tia ni katea kanuringana n te m'arua are Aia M'arua Uea. Ao e kab'arab'araa iai ni kaangai, “Akea natiu te m'aane ae e na kateimatoa arau.” Ao e aranna b'a Kanuringan Abetarom, ao e bon tiku naba arana anne ni karokoa boong aikai.

Taian Areru 119:60

I kawaetataai, ao I aki iremwe, n tou mwin am Tua.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 19:19

E na kateaki te baonikarea i bukin te UEA i nuukan Aikubita; ao e na kateaki te baangota i bukin karineana i aon tian te aba.

Warekaia Iteraera 7:1

Ao ngke e a bane raoi ana m'akuri Moote ni katea te Um'antabunrianna, ao e a katabua te Um'antabunrianna b'a Ana b'ai te UEA, n ikotaki ma b'ain nanona ni kabane, ma te baonikarea, ao b'aina ni kabane.

Iotua 4:9

Ao iai naba atiibu ake e katei Iotua i nukan te Ioretan n te tabo are a tei iai ngkoa ibonga ma te Atiniberita. (Ao bon akekei naba ni karokoa boong aikai atiibu akekei.)

1.Tamuera 7:12

Ao a bon rangi ni konaaki buaka kaain Biritia n te aro are rangi ni maan i mwiina ao a tib'a manga buakana Iteraera.