Karikani B'aai 27:40 - Te B'aib'ara

⁴⁰ Ko na maiu man am kabaang, Ao ko na riki b'a ana toro tarim. Ma ngkana ko kan inaomata mai rouna ao ko kona ni b'aranako mai aan ana kairiiri.”

Karikani B'aai 27:40 ပူးပေါင်းရင်းမြစ်များ

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 27:29

Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.”

Karikani B'aai 32:6

Ao ngke e a oki ana toro Iakob'a, ao e taku, “Ti kawara tarim are Etau, ao bon ae i aon kawaina ni kawariko. Ao bon iai abubua rorobuaka aika raonna.”

Karikani B'aai 33:9

Ma e taku Etau, “Ko rab'a tariu. Bon iai naba au nanai, kaawakin am b'ai.”

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Uea 14:10

Tao ko taku Amatia b'a ko a rangi ni korakora i bukina ngke ko a tia ni kataenikaia Etom. Waaki nako, karaoa ami bootaki ni kukurei. Ma ko na aki tiku n am auti. Ngkana iai te kakiriwe ae ko karaoia ao ko na kaai ni kamaunaaki ma abanueam are Iuta.

2.Uea 14:7

E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

2.Rongorongo 21:10

ao e aki manga reke tautaekanakin Etom iroun Iuta. E bon kakaitaraaki naba n te kaawa are Ribena n te tai anne. A riki baikai i bukina ngke e a tia n tannako Ioram mairoun te UEA, te Atua are a tia n taromauriia aia bakatibu.

2.Rongorongo 21:8

Ngke e uea Ioram, ao e kakaitaraaki irouia kaain Etom ao a bon rinea aia uea temanna i bon irouia.

2.Rongorongo 28:17

Ao ni bon te tai naba arei, kaain Biritia a manga eekinakoi kaawa ake n aaba ake a tabukibuki ake i maeao ao ake Rereuan Maiaki.

Taian Areru 60:8

Ai aron au beetin n uati Moaaba, ao N na tewenakoi au kauniwae i Etom, b'a kanikinaean ae I b'ainna. A iangoia kaain Biritia b'a a na takaakaa n tokanikai i aou?”

Mataio 10:34

Tai taku i nanomi b'a I roko b'a N na uota te raoi nako aonnaba: I aki roko b'a N na uota te raoi, ma I roko b'a N na uota te kabaang.