Karikani B'aai 27:2 - Te B'aib'ara

² Ao e taku Itaaka, “Ko bon noorai ngkai b'a I a rangi ni kara, ao e a kaan mateu.

Karikani B'aai 27:2 ပူးပေါင်းရင်းမြစ်များ

Karikani B'aai 27:3

I butiko b'a ko na anaa ngkai am kainikatebe ma am kanoa, ao naako karekea kanau te man.

Karikani B'aai 47:29

Ao ngke e a kaan ana tai ni mate, ao e a wetea natina are Ioteb'a, ao e taku nako ina, “Kaamai baim b'a N na taubai ma ngkoe, ao ko na berita nako iu b'a ko na aki tauna rab'atau i aon Aikubita.

Karikani B'aai 48:21

Ao e taku Iakob'a nakon Ioteb'a, “N aron ae kam nooria, ao e a kaan mateu, ma E na memena iroum te Atua ma ni manga kaokiko rikaaki nako abaia am bakatibu.

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 38:1

Ni bon te tai naba anne, ao e a aoraki Etekia ao e a kani mate. Ma ngaia are, I a nakoina ao I taku, “E taku te UEA b'a ko na aki marurung. Ko nang mate, ma ngaia are, ko a riai ni karaoi m'akuri aika a kainanoaki aika a riai ni katiaaki.”

Itaia 38:3

“Ko na aki m'aninga ae I a tia ni kakaonimaki nakoim. I a tia ni ongotaeka iroum ma nanou ni kabane, ao I karaoi b'aai nako aika ko taku b'a a eti.” Ao i mwiin aei, e a tang n takaarua.

Mareko 13:35

Ma ngaia ae kam na kamarurungngkami, b'a kam aki ata te tai are e na roko iai mataniwin te auti, b'a tao e na roko n te moa n tairiki, ke n te nukanibong, ke i mwin te nukanibong, ke n te moa n ingabong.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”