Karikani B'aai 27:14 - Te B'aib'ara

¹⁴ Ma ngaia are, e nako n anai ma ni uoti nako ina, ao e a kuukana te aekaki n am'arake are e b'ab'aruia tamana are Itaaka.

Karikani B'aai 27:14 ပူးပေါင်းရင်းမြစ်များ

Karikani B'aai 25:28

Ao e tatangira riki Etau teuare Itaaka, i bukina ngke e kani kaakanii maan aika kawakawa ake konana, ma neiere Nei Rebeka, e tatangira riki Iakob'a.

Karikani B'aai 27:13

Ao e taku neiere tinana, “Ke a b'akarai taian kamaraia ake a na nako im; natiu ko na karaoa ae N na tuangko, ao naako anaa te kooti nako iu.”

Karikani B'aai 27:15

Ao e anaa kunnikain Etau ake a rangi n tamaroa are e kakawakinna n te auti, ao e karinna i aon Iakob'a.

Karikani B'aai 27:17

Ao e a angan Iakob'a te am'arake are kangkang arei, n ikotaki naba ma te kariki are a tia ni kam'aia.

Karikani B'aai 27:31

E a manga kuukana naba kanan tamana ae kangkang, ao e uotia nakon tamana, ao e taku, “Taiaoka tamau, ma tekateka raoi b'a ko nang am'arake n te iriko maiu aei, b'a ko aonga ni kona ni kakab'aiaai.”

Karikani B'aai 27:4

Kuukana teutana kanau are mamaten nanou, ao uotia mai nako iu. Ao ngkana I tia n am'arake iai, ao N na anganiko au kabanea ni kakab'aia i m'aain mateu.”

Karikani B'aai 27:7

‘Uota mai te man, ao kuukanna b'a kanau, ao ngkana I tia n am'arake iai, ao N na kakab'aiako i matan te UEA i m'aain mateu.’

Karikani B'aai 27:9

Naako nakon te nanai ni man, ao uoti mai uoman taian kooti aika ataei aika marikarika, b'a I aonga ni kuukani ma ni karaoa mai iai te am'arake are rangi ni b'ab'arua tamam.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,