Karikani B'aai 26:5 - Te B'aib'ara

⁵ N na bon kakab'aiako i bukina ngke e a tia n ongotaeka tamam are Aberaam i Rou, e kaawakin Au tua ma Au kaetieti ni kabane.”

Karikani B'aai 26:5 ပူးပေါင်းရင်းမြစ်များ

Karikani B'aai 12:4

Ao E a manga moana m'anangana Aberam mai Aran ngke ai itibwi ma nimaua ana ririki ni maiu, n aron tuangana are e tuangnga te UEA b'a e na karaoia, ao e iri naba Roota.

Karikani B'aai 17:23

Ao ni bon te bong naba arei, ao e ongotaeka Aberaam iroun te Atua, e anaa natina te mm'aane are Itimaera ao e korotabonim'aneia, ao mm'aanen ana auti ni kabane, n ikotaki naba ma nati mm'aane ake ana toro, ake a bungiaki n ana auti, ma ake e kabooia.

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 22:16

“N na karaoa te berita i bon irou, bon Ana taeka te UEA, N na boni kabatia kakab'aiakim. I bukina ngkai ko a tia n aki taua natim te mm'aane ae am rikitemanna nako iu,

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 26:6

Ma ngaia are, e a maeka Itaaka i Kera

Mataio 5:19

Ma ngaia aei, b'a ane kamamaraaea m'aakan te Tua teuana ae maraurau riki i buakon tuua aikai, ao e reireiia aomata b'a e a toki manenana, ao e na atongaki b'a moan te mangori n Uean te Atua; ma ane tou mwin tuua aikai n reireiia aomata iai, ao e na atongaki b'a e kakannato n Uean te Atua.

Mataio 7:24

Ma ngaia aei, b'a ane ongo au taeka aikai ao e iri nanoia, ao ai aron te aomata ae wanawana, are katea ana auti i aon te b'a.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

Ebera 11:8

I bukin ana onimaki Aberaam, ao e ongeaba ngke e weteaki iroun te Atua, ao e nako n te tabo are e na anganaki b'a abana; ao e m'ananga n aki ata ike e na nako iai.

Iakobo 2:21

Tiaki e reke reitakin Aberaam are ara bakatibu ma te Atua n ana m'akuri, ngke e anga Itaaka are natina b'a te karea i aon te baonikarea?