Karikani B'aai 26:4 - Te B'aib'ara

⁴ N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

Karikani B'aai 26:4 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 18:18

A nang riki kanoana b'a te botannaomata ae korakora, ao N na kakab'aiaia botannaomata nako mai rouna.

Karikani B'aai 26:24

Ao E kaoti te Atua nako ina n te tairiki anne, ao E taku, “Boni Ngai Atuan tamam are Aberaam. Ko na aki maaku; I mena iroum. N na bon kakab'aiako ma n anganiko am kariki aika m'aiti i bukin au berita ma Aberaam are Au toro.”

Karikani B'aai 28:14

A na rangi ni m'aiti am kariki n ai aron m'aitin tanon aonnaba. Ao a na rababanako abaia ni wairio, ni waerake, nakoiang, ao n nakoaiaki, ao ane a na butiai botannaomata b'a N na kakab'aiaia n ai arou ngke I kakab'aiako ma am kariki.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Karikani B'aai 35:12

N na anganiko te aba are I anga ngkoa nakon Aberaam, ao nakon Itaaka, ao N na angania naba am kariki ake i mwiim.”

Karikani B'aai 47:27

Ao a maeka Iteraera i Aikubita n aonon Koten, ike a riki b'a aomata aika kaub'ai ma ni karikiia natiia aika m'aiti.

1.Rongorongo 27:23

Ngke e baireia Tawita b'a e na wareki m'aitiia Iteraera, ao e anga ana taeka b'a a na aki warekaki koraki ake a mena aia ririki ni maiu i aan uabwi, i bukina b'a E a tia ni berita te UEA n taai ake ngkoa b'a e na rangi ni m'aiti te botannaomata n Iteraera n ai aron itoin karawa.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Te Otinako 32:13

Uringa te berita are matoa are ko karaoia ngkoa ma Aberaam, Itaaka, ao Iakob'a. Ko berita b'a n te bong teuana a na m'aiti aia kariki kaanga itoin karawa ao Ko na anganiia abaia.

Te Otinako 6:4

I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.

M'akuri 3:25

Ana taeka n akoi te Atua are a taekinna burabeti bon i bukimi, ao iai tib'angami n te boraraoi are E karaoia te Atua ma ami bakatibu, n aron are E taekinna nakon Aberaam ngke E kaangai, “A na kab'aia kaain aonnaba ni kabaneia iroun am kariki.”

I-Karatia 3:16

A atongaki taian taeka n akoi nakon Aberaam ao nakon ana kariki, ni kaotia b'a e aki nanonaki iai aomata aika bati, ma e kaangai, ao nakon am kariki, ni kaotia b'a ti temanna ae nanonaki iai, b'a Kristo.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

Ebera 11:2

Bon i bukin aia onimaki ikawai ake ngkoangkoa ae E kukurei iai i rouia te Atua.