Karikani B'aai 26:31 - Te B'aib'ara

³¹ Ao n te ingabong are i mwiina, ao a karaoa aia boraraoi ma ni kamatoa n te berita, ao i mwiina e a karaure Itaaka ma ngaiia, ao a raure nako ma te rau.

Karikani B'aai 26:31 ပူးပေါင်းရင်းမြစ်များ

Karikani B'aai 14:22

Ao e taku Aberam. “I a tia n tuea nakon te UEA, ae Moan te Rietaata, ae karaoa karawa ma aonnaba,

Karikani B'aai 19:2

ao e taku, “Raou aika kam karineaki, I tauraoi ni buokingkami. Nako mai nakon ana auti ami toro. Kam kona n teboki waemi ma ni matu ikai nakon te tairiki. Ao ningabong, kam a manga uti n reitanako kawaimi.” Ao a kaeka uakekei ni kaangai, “Ti aki, b'a ti a boni mena naba i tinaniku ikai ni karokoa te ngaina.”

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 21:23

Ma ngaia are, kam na karaoa ami berita ikai i matan te Atua b'a kakoauaan ae kam na bon aki kam'aneai ma au koraki n ataei, ke kanoau rimwi. I a tia ni kakaonimaki nakoim, ma ngaia are, ko na kakaonimaki naba nako iu, ao nakon te aba aei ae ko maeka iai.”

Karikani B'aai 21:27

Ao Aberaam, e angan Abimereka taian tiibu ma kao, ao a kaai ni karaoa te boraraoi.

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

Karikani B'aai 25:33

Ao e taku Iakob'a, “Ma ko na berita moa nako iu b'a ko na anganai tib'angam ni karimoa.” Ao e berita Etau, ao e anga tib'angana ni karimoa nakon Iakob'a.

Karikani B'aai 26:32

Ao ni bon te bong naba anne, ao a roko ana toro Itaaka, ao a tuangnga i bukin te m'anib'a b'a e a reke te ran.

Karikani B'aai 31:44

I a tauraoi ngkai ni karaoa te boraraoi i marenau ma ngkoe. Ti na ikoikoti atiibu ni karietatai b'a kauringaara nakon ara boraraoi.”

Karikani B'aai 31:55

Ngke e a moaningabong, ao e a kiiti ma tibuna Raab'an, ao e kiiti naba ni kabo ma natina aine, ao e a nako n okira ana auti.

Ebera 6:16

B'a ngkana a taetae n tuea aomata ao a kabonganai araia ake a kakannato riki nako ia; b'a te taeka ni berita boni ngaia ae katoki kauntaeka ni bane.

1.Tamuera 20:3

Ao e kaeka Tawita ni kaangai, “E ataa tangirakiu iroum tamam, ao e aki tangiria ni kaongoko te b'ai ae e iangoia, b'a ko kaawa n rangi n nanokawaki iai. I tuea nakoim n aran te UEA ae e maiu, b'a I kaan roaroa ma te mate!”

1.Tamuera 30:15

Ao e titirakinna Tawita ni kaangai. “Ko konaa ni kairai nakoia taan kurib'ai akanne?” Ao e kaeka ni kaangai, “N na kairiko ngkana ko berita nako iu n aran Atuam b'a ko na aki tiringai ke n anga ngai nakon au toka.”